Mizoram leh Assam ramri buai chungchang a rang lama chingfel turin sorkar ngen.

Mizoram leh Assam State in ramri buai an neih chungchanga inrawnkhawmna chu Inrinni kalta, May 24, 2014 khan MSU huaihawtin neih a ni a, he huna tel te hian ramri buaina chinfel tur hian sorkar ngen nise an ti.

Mizo Students' Union (MSU) Gen. Hqrs. huaihawta Mizoram leh Assam State ramri buai chungchanga inrawnkhawmna Aizawl-a I&PR Conference Hall-a neih ah hian Mizoram in District Council a neih dawn khan Mizoram hian Forest Officer pakhatmah a la neih loh thu te, hei vang hian  Inner Line Reserve chu Assam Forest in enkawl a dil thu leh, heta \ang hian chhiah an lak a\anga za zela 70 (70%) chu Mizo District Council-ah chhunglutin Assam Forest lamin a enkawl nan 30% an chan ve thu te tarlan a ni a. Mizoram-in Union Territory a hmuh hnuah revenue hi chhunluh chhunzawm a ni ta lo tih sawiin, hemi chungchangah hian kalkhawmte chuan sorkar chu chak taka hma la tura ngen nise an ti a ni.
    Hei bakah hian he sawihona huna tel te hian sorkarin ramri chungchanga 'Summary Findings' bu a chhuahah sap\awng hman dik tawk loh avanga thil dik tawk lo awmte chu nakin zela Mizo Hnam tana pawi thei a awm avangin, a rang lama siam\ha turin sorkar an phût tih an sawi bawk a ni. MSU huaihawta ramri chungchang sawihova kalkhawmte hian Mizoram ramri buai reng chu sorkarin chinfel duhna thinlung pua ruahmanna fel tak neia hma la tura an duh thu sawiin, sorkar leh NGO hmalak zel dan turte sawiho a nih bakah a \ul anga sorkar dawr zui dna turte pawh he hunah hian sawiho nghal a ni bawk.