Serchhip chhimlam dai ram kang nasa

Tunhnai khan Serchhip chhimlam dai chu nasa taka kangin huan thlai engemaw zat a kangchhia a, he ram kang hi \helh mumal theih ala ni lo.

Tunkar tirlam a\ang khan Serchhip chhimlam, Serchhip leh Kei\um inkar, LAD in bawlhhlawh an paihna a\anga Serchhip lam chu nasa taka kangin hei hian kawngchhak leh kawngthlang a kangkai vek a, he kangmei chhuah chhan hi chiang taka hriat a ni lo a ni. Kangmei chhuakah hian Vety Department in Bawng chaw an chinna hmun zau tak a kanchhiat bakah mimal huan pawh engemaw zat a kangchhia a, hriat theih chinah Khiangzawl rama Pu Biaklawma, Darnam Veng ami Serthlum kung 400 leh Limbu kung 110 vel leh thlai dang \hahnem tak, Pu Paututhanga te Limbu leh Serthlum kung \hahnem tak, Pi Sangzawni, Serchhip Hmar Veng ami te Ser hmun leh Pi Zirliani, Serchhip Dinthar Veng ami te Ser hmun te kang-chhia in chhungkaw 4 ten ramriahna atan an hman Pu Biaklawma te Thlam pawh bungrua engmah chuh loh in a kangral bawk a, kawngpui thlanglam pawh a kang nasa hle bawk a ni. Hetihlai hian nimin khan Serchhip a\anga Thenzawl panna kawngpui thlanglam, Serchhip dai chu nasa takin a kang leh a, kangmei chhuah chhan tak hi hriat a nilo thung. He kangmei chhuakah hian Pu C. Zokhuma, Serchhip Tuikhuah Veng ami Teak hmun leh Pu CL. Ram-ngaia, Serchhip Dinthar Veng ami te huan, thlai chi hrang hrang an chinna hmun chu a kangchhe bawk a. Kangmei hi a chakin Fire Department te pawh pun an ni a, amah-erawh chu \helh hleihtheih a nilo thung a ni.