Mizoram-a a pathumna ni turin Muthi ah LED Village Campaign neih a ni.

Mizoram sorkar bultumin nimin May 29, 2014 khan Muthi khua ah Light Emitting Diode (LED) Village Campaign neiin chhungkaw tin te Electric Light leh Street Light te chu LED a thlak vek a ni.

Light Emitting Diode (LED) Village Campaign, LED a\anga siam Bulb leh Tubelight te hman uar inzirtirna leh heng bungruate a thlawnna semna nimin a Muthi-a neih hi Pu Lal Thanzara, MoS chuan hmanpuiin khawvel \hang zelah kawlpetha mamawhna leh hmanna a sang chho zel a, kawlpetha lamah Mizoram a intodelh theih nan sorkar chuan hma la mekin amaherawh chu tun dinhmunah Mizoram in kawlpetha a dehchhuah a tlem a, kan power mamawh tam zawk chu phai a\anga chawkluh anih avangin kawlpetha neih chhun ang angte sem rual a ngai \hin a ni a, a ti a.  MW 60 pechhuak thei Turial Hydel Project nakuma hawn beisei anih tur thu sawiin, he project hian nasa takin kawlpetha lamah intodelhna a siamngei a beisei tih a sawi bawk.
    Light Emitting Diode (LED) Village Campaign in a tum ber chu thingtlang khua tih en (Electrified Village) tawh a consumer te eng chhit te energy hehlo leh eng \ha chi LEDs (Light Emitting Diode) a thlak niin he scheme hi India ram state hrang hrangah 11th Plan chhungin thawh a ni a, Muthi khuaa hmalakna bakah hian Serchhip district-a Buangpui leh Neihloh khua ah te 2010 khan LED Village Campaign hi kalpuiin he ruahmanna hi hman a ni tawh a ni. Chhut dan tlangpuiah chuan Consumer te hian electric eng hi nitin darkar 5 leh street light hi darkar 11 chhung hmang \hin anga ngaih a ni a, hetiang hi a lo nih chuan tun dinhmunah Muthi khua hian electric 1,37,331 Unit kumtin hmang ral tura chhut niin Electric bill atana senso Rs. 4,68,549/- ni tura chhut a ni a, tuna hmalakna anga electric hi thlak a nih chuan Muthi khuaah hian electric kum khatah 20,157 Unit hmang ral tur leh a man pawh Rs. 69,282/- chauh pek ngai tawh tura ngaih a ni.