Latest News

NLUP kalpui meka ‘One Crop-One Village’ Serchhip District-a kalpui dan tur sawiho.

Mizoram sorkar in ruahmanna a siam angin NLUP kalpui mek ah khaw pakhat tan Trade pakhat (One Crop-One Village) chu kalpui tawh tur niin hemi chungchang hi nimin khan Serchhip-ah pawh sawiho a ni.
NLUP Implementing Board in NLUP kalpui mekah 3rd & 4th Phase a ‘One Crop-One Village’ kalpui a tum mek chungchanga Serchhip District-a hmalak dan tur sawihona nimin May 8, 2014-a Serchhip DC Meeting Room-a neih hi District Bawrhsap mawhphurhna la mek tu Pu VL.Remliana, MCS, Addl. DC chuan kaihruaiin NLUP hlawhtling lehzuala kalpui anih theih nan sorkar hotuten ruahmanna thar an siam a, hei hi zah thiama ngaihpawimawh a \ul a ni tiin; kalphung ngai rengin kan beisei ang hmasawnna min thlen loh chuan kalphung thlak danglam ngam a \ul a, rilru zau put a \ul a ni, a ti a, khaw tinin NLUP kaltlanga Trade thlanah uar bik an neih a a hlawma an kalpui chuan hmun khat a\anga tharchhuah a tam ang a, a leitu tur Company tan pawh rang zawk leh awlsam zawkin a lei theih zawk dawn a ni, a ti bawk.
    He \hutkhawm ah hian NLUP Line Department te bakah khaw hrang hranga VC tin aiawhte telin Line Department tin ten One Crop-One Village kalpui dan tur atana \ha nia an hriat te leh an ngaihdan te an sawi \heuh a, hemi hnu hian Village Council hruaitute nen sawiho niin, mahni VC huamchhunga Trade thlan tur atana thutlukna siamfel sa khua te chuan an thutlukna leh ngaihdan te an sawi chiang nghal a. Thutlukna mumal la siamfel theilo khua te chuan Line Department te nen indawr in an sawiho leh a, Line Department ten an khaw tana \ha tur nia an ngaih chungchang a thurawn an pek chu uluk taka lo ngaihtuah a rang thei ang bera an thutlukna te NLUP Cell a thlen leh nghal turin an in chah a ni. One Crop-One Village atana ruahmanna siam te hi May ni 13, 2014 aia tlai lovah NLUP Implementing Board hnenah thehluh vek tur a ni.

Comments

Popular News (Last 30 Days)