Zu leh a kaihhnawih a\angin Rs. 308,50,779/- chung hmu.

Kum 2013-2014 chhunga Mizoram Excise & Narcotics in Zu leh a kaihhnawih thildang a\anga sum a hmuhchhuah zawng zawng chu Rs. 308,50,779/- a tling a, MLTP Act vangin mi 2466 te chu thubuai an siamsak bawk.

Mizoram Excise & Narcotics hian kum kalta chhung khan Rakzu Litre 37714.08 manin, Zu bihlai tin 98815 an man bakah, dawidim/Yeast kg 382.92 an man bawk a, Sap zu (IMFL) 750ml bottle 89,377 zet man an nei bawk. Thubuai chi hrang hrang an ziahluh zingah MLTP Act vanga man mi 2470 neiin, an zinga 2466 te chu thubuai siamsak an ni a, MLTP Act hi, ruitheihthil kaihhnawih thubuai chi hrang hrang awm thei, NDPS Act, ADC Act, ME Act zinga thubuai awm tam berna a ni. Ruihhlo dang an man zingah kum kalta chhung khan Pseudoephedrine mum 189,03,478 man neiin, Phseudoephedrine a\anga siamchhuah ni a hriat, ruihhlo hlauhawm tak Methamphetamine (Meth ti a hriat) mum 613 man bawkin, heng bakah hian Ganja Kg. 198.41, Spasmo Proxivon (Capsule) 2440, Parvon Spas (Capsule) 287923 leh ruihna atana hman theih chi, damdawi chi hrang hrang man an nei bawk.