Thingsulthliah-ah Vawk Farm din turin hmalak mek a ni.

Mizoram sorkar chuan RKVY programme hnuaiah Thingsulthliah-ah 'Vawk Farm' a din dawn a, hi farm dinna tur hmun hi Inrinni, May 3, 2014 khan Home Minister, Pu R. Lalzirliana leh AH&Vety Minister, Pu C. Ngunlianchunga ten an tlawh a. AH&Vety Director, Dr. LB Sailo leh a thawhpuiten an \awiawm.

Vawk Farm-ah hian vawkpui 200 dah theihna tur ‘Establishment of 200 Sow Unit’ chu Rashtriya Krishi Vigyan Yojana (RKVY) sum hmanga sak tur a ni a, Farm sak hna hi hun reilote-ah \an tum niin kum hnih chhung chuan zawh tum a nih thu AH&Vety Deptt. hotute chuan an sawi. Mizorama vawk note indaih lohna a nasat avangin rampawn a\angin vawk leh vawk note lakluh reng a ni a, heng ran lakluh a\angte hian vawk natna hri lengin Mizorama vawk awmsa pawh a suat nasa hle a, he indaih lohna phuruk nan te, ramin vawk chi \ha leh hrisel a neih theih nan te leh NLUP tih changtlun nan he Vawk Farm hi din tum a nih thu, AH & Vety Department hotute chuan an sawi bawk. He Farm hian Mizorama vawk note mamawh za zelah 30 vel chu phuhruk thei beisei a ni a, kumtin vawk note 4,800 vel a tharchhuak thei dawn a ni. Farm atan hian vawk chi \ha, ram pawn a\anga lak tum a ni a, he project hi cheng nuai 470 senga din tur a ni.