Selam khua leh Police te innawrin Tear gas hman hial a ni.

Lengteng Wildlife Sanctuary chhunga thingzai chungchanga Selam khaw mite leh Forest Department te inhmuhthiamlohna kal zelah nimin May 22, 2014 khan sorkar tirha kal 2nd IR sipai te leh Selam khaw mipuite an innawr buai a, Selam khaw mipui te zingah hmeichhe pathum telin mi 6 velin hliam an tuar a, ngaihtuahawm khawpa na erawh an awm lo.

Hemi chungchanga kan thudawnna in a tarlan danin sorkar tirha kal 2nd IR Bn. Sipaite leh helai hmuna kal ve Forest hnathawkte hi nizan hmasa khan Hnahlan leh Tualcheng-ah te inchhawp hnaiin, nimin zing dar 9:00 vel khan Selam an lut a, YMA Library-ah khawtlang hruaitu, VC leh YMA hruaitute an kawm hnuah, Selam khaw hruaitu zinga pahkhat Pu Lalhmachhuana In-ah an insawn a, heta \ang hian hruaitu 10, YMA lam leh VC lam mi 5 ve ve te chu Prison Van-ah khung an ni a, hemi hnu hian Police ten khua a\anga hruai tumin hei hi mipuiin um zuiin, an khawdaiah an dang a, hetah hian Police te nen hun engemawchen an innawr a, Police te hian mipui hnawhdarh nan tiang an hman bakah, mittui tlakna hlo (Tear Gas) an hmang bawk a, an innawr naah hian khawtual lam hi mi 6 vel an hliam nia thudawn a ni.
    Hemi hnu hian Selam khaw mipuite hian an khaw daiah Police te hi kaltlang theilo tura dangin kawngpuiah thing te khamin, lirthei kaltlang theih lohvin an ti ping rih a, nimin tlai dar 5:00 thleng hian Selam khawtlang hian kawngpui hi la dangin Police lam pawh hian kaltlang an tum rihlo nia thudawn a ni a, Selam khawtlang hruaitu mi 10 an man te hi Prison Van-ah hian dah zui zel niin heng mite hi chhuah an nih hma chuan lirthei hi kaltlang tir an tumlo nia thudawn a ni bawk. Hetihlai hian Aizawl-a Selam Welfare Committee hruaitute chuan niminpiah khan Home Minister, Pu R Lalzirliana, Forest Minister Pu Lalrinmawia Ralte leh bialtu MLA Pu TT. Zothansanga te biain mipui nu nauin an tawrh lohna tura hmala turin an ngen a, anni chuan chutiang zawnga hmalak an tum loh thu in an lo chhang niin kan thulakna pakhat chuan a tarlang bawk.