Kumin ah Tuikum lui-ah tui a tlem avangin PHE in dan pangngai in tui an sem theilo.

PHE Department in Serchhip khawpui chawmna atana Tuikum tui an lakna ah Tuikum-a tui a tlem avangin tui pump hleihtheih a ni lova, mipuite hnenah dan pangngaia tui sem theih a ni lo.

Serchhip khawpui in Tui lama harsatna a tawh mek chungchangah hian nimin April 29, 2014 tlai khan Er. Lalhruaia, EE, PHE Serchhip WATSAN Division chuan tualchhung thuthar thehdarhtute a Office-ah kawmin an harsatna chungchang hi a sawipui a. He hunah hian Pu Hruaitea chuan kumin hian |hal a na em em tih sawiin, hetianga |hal a nat avang hian Tuikum lui leh a fintu kawrhte tui te chu a kam nasa hle tih a sawi a, a hmaa nitin darkar 12 vel tui an pump-ah mipui mamawh zualpui an phuhruk theih laiin tunah hian tui pump tur pawh nghahkhawl a \ul thu a sawi a, tun anga tui harsatna hi kumdangah an la tawk ngailo tih pawh sawiin, an bial chhung khaw hrang hrangah pawh tui harsatna hi a thleng mek tih a sawi a. Hei vang hian mipuite pawhin tui an renchem a \ul thu a sawi bawk.
    Serchhip khawpui chawmna tura PHE Department in Tuikum lui an lakna hi kum 1997 a\anga hman \an niin kumin March thla thleng khan House Water Connection (Private Connection) nei 2989 an awm mek a, Public Point 36 a awm mek bawk a. Nikum lamah khawl \hat loh avanga harsatna an tawh chu Tuikum lui leh IOC-a Booster Pump te chu siam\hat ni tawhin P&E Department pawhin Power an pe \ha thawkhat tih an sawi a, amaherawh chu Tuikum lui-a tui a tlem avang hian dan pangngaia tui an sem theihloh thu hi an sawi a, tunah hian Tuikum lui leh Booster Pump-a diesel khawl te chu thlak tum a nih thu leh hei hi tihfel a nih chuan tui pump chungchangah hian khawl lama harsatna a awmloh tur thu a sawi bawk.