Assam leh Mizoram ramri a buaina thlenna Home Minister in nimin khan a tlawh.

Home Minister Pu R. Lalzirliana chuan, “Kan ram chhunga Kut hnathawktute Thlam leh an thlai chinte tu misual mahin an rawn tichhe tawh tur a ni lova, kan ban pakhat pawh an thiat tawh tur a ni lo,’’ a ti.

Home Minister Pu R. Lalzirliana hian nimin April 30, 2014 khan April 23 a\anga Assam Police nia rin ten Buhchangphai ram chhung Cachar ramri depa Leilet ram te an rawn beihna hmun tlawhin he thu hi a sawi a. He hunah hian Home Minister chuan Mizoram Police te chu heng leilet Thlam pali ngawt tichhia a, a hnua Buhchangphai YMA ten an sak \hat leh pawh rawn suasam zui zeltute hi tute nge an nih chiah zawng chhuak ngei turin a hrilh a. Police te chu an huaisenna a taka lantir hun a ni, tiin helai hmuna venhim hna thawktu tur 1st IR Battalion, Mualvum te chu a \ul phawt chuan an Silai hmang \angkai tur leh misual dimlo turin a hrilh a ni. Pu R. Lalzirliana chuan, Buhchangphai rama Thlam rawn \hiat a, ran leh bungrua te la a thlai tichhetute thiltih dan hi Rukru rual te chetdan dik tak a ni, a ti a,tun chinah chuan tu sorkar leh tu misual mahin an tichhe tawh tur a nilo, a ti a. ‘|hangthar zelte tan kan ram kan humhim a ngai a. Keimahni Mizo ngeite pawhin hnamdang ruai ringawt lovin heng leilet ram tehi luahlum in ramri hrulah awm I hreh lovang u,’ a ti bawk.
    April 23, 2014 khan helai ramri depa awm Leilet hmuna Thlam pali te chu Assam Police nia rin ten beiin Thingzai leh ran vulh lai te an chhuhsak a. April 27 khan Thlam ban lehBawng In te kitin an \hiat a, Buhchangphai YMA mi 170 zet niminpiah, April 29 khan thawkchhuakin Thlam te hi an sa \ha a, amaherawhchu hemi ni vek tlailam khan vengtu Mizoram sipaite kalsawn zauh hlanin misual te hian an rawn \hiat leh ta vek a ni. Nizan hmasa dar 11:00 vel khan 1st IR Battalion Mualvum Commandant Pu C. Lalzahngova chuan vengtu sipai engemawzat tirh thlak belhin tun dinhmunah IR Police Platoon thum (3) in an \hutchilh mek a ni. Nimin vek khan Home Minister tirhin Kolasib DC leh Addl. SP te chu ramri buai sawi tur hian Buhchangphai a\angin Hailakandi an kal bawk a ni.