Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Nikum-a chim tawh Auditorium kawt dawlna Lungrem chim thei dinhmun ah ding

Serchhip Field Veng-a Auditorium sak mek kawt dawlzawlna tura RCC hmanga Retaining Wall siam chu chim mai thei dinhmunah a ding mek.
Serchhip-a Auditorium kawt dawlzawlna tur hian a tirah Lung rem niin he hna an thawh hi a \hat tawkloh avangin nikum May 6 zing khan a lo chim tawh a ni. Hetianga lungrem a chim hnu hian Retaining Wall siam\hat hna hi RCC hmanga thawh leh niin tunah hian ft. 20 vela sang chhun a ni tawh a, niminpiah, April 22 a\ang khan Retaining Wall-ah hian leivung chhungin Retaining Wall hian leivung hi a zawhloh avangin a rawn nek chhuak ta niin a lang a, Retaining Wall hi chim mai thei dinhmun ah a din avangin a thlang kawngpui chu khar nghal niin thlanglama chhungkaw \henkhat te pawh an inthiar-chhuak nghal a, nimin vek khan Retaining Wall hnawhna leivung hi JCB hmanga haichhuah leh nghal a ni bawk. Helai hmun hi nimin khan Pu Lawmkima, SDO (Sadar) chuan tlawhin a siam\hat dan tur NBCC hotute nen an sawiho nghal a ni.

Comments

Popular News (Last 30 Days)