Lenkawl

MNF MLA, K. Sang\huama chuan Congress party-in sawrkar na siamin, kum 25 chhung zet chu Zoram siam\hatna hun an neih thu leh siam\hat a hnehin retheihna ah a hnuklut niin a sawi.

“Corruption hi hma kan sawn theihlo chhan ber a ni” - President PRISM PRISM Party chuan Inrinni khan Aizawl-a PRISM Conference Hall-ah ‘International Anti Corruption Day’ an hmang a, he hunah hian PRISM President, Vanlalruata chuan Corruption chu kan ramin hma a sawn theih loh chhan lian ber pakhat a nih thu a sawi.

Mizo Zirlai Pawl (MZP) chuan Inrinni kalta khan CADC Area, Borapansury-a Zofate Chawlhbuk samfai hnatlang an nei.

Serchhip Police te leh Serchhip Sub-Hqrs. YMA Anti-Drug Squad te chuan Inrinni zan khan Chhiahtlang Hmar Veng-ah Heroin No. 4 \ha-hnem tak an man.

New Serchhip Pastor Bial K|P te chuan Inrinni khan Serchhip Blood Bank-a dah turin thisen Unit 36 an pe. New Serchhip Pastor Bial Inkhawmpui vawi 25-na kumin January thla a Bukpui Kohhran a neih chuan an thurel zingah Serchhip Blood Bank-a dah turin Bial huapa thisen hi pek nise an ti a, he an thurel bawhzuina atan hian New Serchhip Kohhran Sunday School Hall-ah thisen pekna hun hi buatsaihin he hunah hian mi tlawmngai mi 36 ten thisen an pe a, thisen petu zingah hian hmeichhia 3 telin a bak mi 33 te chu mipa an ni a, Serchhip Blood Bank-a thawk ten heng mi tlawmngai te thisen hi an lak sak a ni. New Serchhip Pastor Bial huamchhung ah hian K|P Branch 5 an awm mek a ni.

Serchhip Florist Association chuan Mizo-ram-a Pangpar huan langsar ber te zing ami, Zopar Huan an tlawh theihna atana ruahmanna siam saktu Serchhip DHO chungah lawmthu an sawi.

Mizoram Mathematics Society (MMS) buatsaihin Inrinni khan Mizoram hmun hrang hrang ah Mathematics Competition neih a ni a. Serchhip-ah pawh zirlaite tan Mathematics Competition hi neih a ni.

Serchhip Dinthar Branch YMA chuan Zirtawpni zan khan 'Zo Zan' hmangin infuihtharna hun an hmang a, he hun hi Serchhip Sub-Hqrs. YMA President, R. Sanghmingthanga chuan a hmanpui a ni.

MNF Vice President, Dr. R. Lalthangliana chuan Mizoram sawrkar chuan sawrkar hnathawk te hlawh pawh a pe hleitheilo niin a sawi.

Zoram Peoples' Movement (ZPM) chuan an Sawrkar chuan kalphung thar an kalpui tur zingah mipui Sawrkar an nih theih nan Panchayti Raj siam an tum thu an sawi a, kum kalta a\anga sawrkar inrelbawlna fuhloh vangin sawrkar hnathawkten lungawilohna an lantir niin an sawi bawk.

Mizoram Police te chuan nimin khan Biaksanglura hnenah chawimawina hlanin he chawimawina in a ken, Citation leh pawisa fai Rs. 5000 chu IGP (M), Zorammawia chuan a hlan a ni.

Serchhip Sub-Hqrs. YMA Vigilance & Monitoring Committee chuan Serchhip khawpui chhunga National Highway thawm\hat hna thawk turin PWD (Highway) Chief Engineer, Er. K. Sawmvela hnenah ngenna an thlen.

Mizoram sawrkar hnathawk inzawmkhawm pawl, Federation of Mizoram Govt. Employees & Workers chuan sorkar laipui Pay Commission 7-na rawt anga hlawh thar lak ph<t nana Nilaini a\anga a huhovin chawlh an lak chu tihtawp rem tiin Vawiin a\angin an hna an thawk chhunzawm leh ang.

Mizoram Journalists Association (MJA) Serchhip District chuan kumin ah MJA ten a hranin Krismas leh Kumthar vuakvet-ah chanchinbu chawlh siam ni tawhlo se an ti.

Serchhip South Zone Middle School Sports chu nimin tlai khan zawhfel a ni a, Chawngbuangi Memorial School chu a pumpui-ah pakhatna an ni.

Food, Civil Supplies & Consumer Affairs Department chuan Nov. 1, 2017-a thuchhuah a lo siam tawh chu ti danglamin IOCL Revised Retail Selling Price angin,

Serchhip leh Kei\um inkar National Highway-54 siam\hat hna chu Inrinni a\ang khan thawh \an niin tun thla chhungin zawh hman beisei a ni.

Kan tih tur \ulte hreh tak chungin kan tih a ngai dawn’ - Chief Minister Federation of Mizoram Government Employees and Workers (FMGE&W) chuan 7th Pay anga hlawh pek ve ngiatin nimin a\ang khan a huho in chawlh an la a. Chief Minister, Lal Thanhawla chuan sawrkar leh mipuite tana harsatna thleng tur pawh pawisa lo a sawrkar hnathawk te an nuar lui chu hriatthiam har a tih thu a sawi bawk.

A Gujarat kal loh thlak e mai! - C. Lalhminghlua

Kum 2018 March thla a Bru laklet dan tur ngaituahin nimin khan Kolasib-ah District Level Committee chu an \hukhawm.

Serchhip Sub-Hqrs. YMA chuan nimin, Dec. 5, 2017 khan Sub-Hqrs. Executive Committee (SEC) \hutkhawm neiin Serchhip Sub-Hqrs. YMA Conference vawi 6-na chu nakum April ni 24 leh 26 inkar chhungin neih nise an ti.

Mizoram sawrkar Rural Development Department buatsaih Sale of Articles of Rural Artisans Society (SARAS) Fair chu nimin khan Aizawl-a Assembly Annexe Conference Hall-ah neih \an a ni a. He hun hi RD Minister, R. Lalzirliana chuan hmanpuiin Self Help Group thawk\ha te hnenah lawmman sem a ni.

Nimin khan Serchhip District Disaster Management Plan siam dan tur sawihona leh inrawn-khawmna chu Serchhip DC’s Conference Hall-ah neih a ni a,

Kumthar January thla a\anga Measles & Rubella (Sentut leh Thaksep) Vaccine pek beihpui thlak dan tur chungchang ah nimin khan Serchhip District-a Doctor Health Supervisor te tan training buatsaih a ni.

Serchhip-III Village Council chuan Serchhip Joint VC kaihhruai hna thla nga (5) chhung an thawh chu nimin khan Serchhip-I VC kutah hlanin Serchhip Joint VC \hutkhawm chu neih nghal a ni.

MNF President, Zoramthanga chuan Hnam tana Martar chhungte chungah ngaihdam a dil tih a sawi.

Mizoram hmun hranga Home, Damdawi In, Jail leh mi chanhai dangte enkawlna In hrang hrangah Chief Minister chuan a Discretionary Fund a\angin thilpek a semchhuak.

International Day for Persons with Disabilities pualin nimin khan Zarkawt Recreation Centre-ah hun hman a ni a, hemi rual hian ‘Special Olympics 2017’ neih nghal a ni.

New Economics Development Policy (NEDP) Study Tour nei tur Serchhip Assembly Constituency huamchhunga Mizoram Upa Pawl (MUP) member 17 te chuan nimin zing khan Serchhip chhuahsanin Aizawl an pan.

Serchhip South Zone Middle School Sports chu nimin khan Leisekawt Mual-ah neih \an a ni a, Serchhip khawpui chhunga Middle School 5 bakah Govt. Hriangtlang M/S a\angin zirlaite an tel a ni.

Lalsawmliani & Lal Thanchunga Memorial Football Tournament chu Inrinni khan  zawhfel a ni a, New Serchhip FC chuan FC Serchhip Kawnpui chu 6-0 a sawpin a zawnin an champion.

Lawngtlai District khaw pathuma Myanmar mi raltlan lo lutte chu an khawsak lailawkna tur sak sak an ni tawh.

Serchip District Football Association buat-saih, Lalsawmliani & Lal Thanchunga Memorial Football Tournament chu Inrinni khan kharna neih a ni a, he hun hi Serchhip Block Congress Committee President, PC. Vanlalsawma chuan khuallian niin a hmanpui a ni.

Mizoram State AIDA Control Society (MSACS) chhinchhiahna hnuhnung ber, March 2017 thleng khan Mizoram-ah HIV positive 14,632 an awm tawh a, mipat hmeichhiatna hmanga kai an tam berin tunlai hian drugs hluar tharin District pahnih ah chuan mipat hmeichhiatna aiin damdawi hman khawloh avanga kai an tam zawk a ni.

Chief Secretary, Lalmalsawma chuan nimin khan Aizawl-a Chief Secretary Conference Hall-ah Leave Application online-a thehluhna tur ‘e-Leave Application’ chu hman theih turin a hawng.

Mission Veng Local Council chuan an Veng chhunga Sikulpui-kawn leh a chhehvel chu bawhhlawh awmlohna leh bawlhhlawh paih khapna hmun, Zero Littering Zone-ah vawiin chawhnu khan an puang.

Khawvel hmundangte rualin nimin khan Mizoram hmun hrang hrangah World AIDS Day hman a ni a, Aizawl-ah chuan he Ni hi Health Minister, Lal Thanzara hova hman niin Mizoram-a HIV natna darhzau dan zirchianna 'Epidemiological Investigation of HIV Epidemic in Mizoram' ti tura inbuatsaihna a kal mek thu Minister hian a puang a ni.

Serchhip North Zone Middle School Sports chu nimin khan zawhfel a ni a, Little Flower Convent School chu an champion. Tunkar Thawh-\anni a\anga Leisekawt Mual-a Serchhip North Zone Middle Sports-ah hian item hrang hranga School 6 ten inelna an neih hnuah nimin tlai khan zofelin School hrang hrangte zingah Little Flower Convent School chu pakhatna niin All Saint School chu pahnihna an ni a, Presbyterian English School, Serchhip chu pathumna an ni bawk. Serchhip North Zone Middle School Sports-ah hian Omega Lalhmachhuana, LFCS chu Best Boy atan thlan a ni a, Hualthampuii, All Saint School chu Best Girls-ah thlan a ni bawk.

Nimin khan Serchhip District Bawrhsap, Sangchhin Chinzah leh Serchhip Sub-Hqrs. YMA Vigilance & Monitoring Committee hruaitute chuan Serchhip Hmar Veng-a Sports Stadium sak mek chu an tlawh a, helai hmuna hna thawk mektu Agni Shanti Company te chuan Stadium sak mek leh Artificial Turf phah hna thawh mek te chu nakum February thla ah zawhfel hman an beisei tih an sawi. Sports Complex-a Stadium sak mek hi a panna kawng a min avangin hun rei tak hna chawlhsan a ni tawh a, tunah hian a siam-\hatna tur sum ruahman ni tawhin hna pawh \an thuai tum nia thudawn a ni a, hei bakah hian cheng nuai 20 sengin mipui \hutna chu a chung zar tum a ni bawk a. Leisang Veng lam a\anga Complex Field panna kawng pawh siam\hat tumin hmalak mek niin kan thudawnna chuan a sawi bawk a, hna \an hun tur erawh hriat ala ni lo.

International Day of Persons with Disabilities, ‘Rualbanlote Ni’ chu nimin khan Serchhip-ah hman a ni a, he Ni puala inkhawm neih chu District Bawrhsap, Sangchhin Chinzah chuan a hmanpui a ni.

Mizoram sorkarin kum 2017-a Mizoram khawpui fai bera a thlan Biate khua chuan nimin khan an lawmman lak lawmna an nei a. He hun hi UD&PA Minister, Zodintluanga chuan khuallian niin a hmanpui a ni.

India President, Ram Nath Kovind chuan Vawiin hian zankhat riak turin Mizoram a rawn tlawh dawn a, India President dawngsawng turin sorkar chu nasa takin a inbuatsaih a ni.

Zoram Entu Pawl (ZEP) Serchhip buatsaihin nimin khan an hnuaia Village Health Sanitation and Nutrition Committee (VHSNC) te tan rikrum thil alo thlen thulha damlo enkawl dan leh hriselna atana pawimawh te zirhona neih a ni.

Serchhip District Immunization Task Force Committee chu nimin khan an Chairman, Serchhip District Bawrhsap, Sangchhin Chinzah hova \hukhawmin kumthar January thla laihawl a\anga Measles & Rubella (Sentut leh Thaksip) Vaccine pek beihpui thlak dan tur an rel.

Lirthei leh a kaihhnawih laka chetsualna thleng thei laka fimkhur a \ul zia inzirtirna Hapta, Fimkhurna Hapta vawi 37-na chu nimin a\ang khan Mizoram-ah hman \an a ni a. Serchhip-ah pawh he Hapta hawnna hi nimin zing khan Serchhip Bazar-ah neih a ni.

Positive Women Network of Mizoram (PWNM) ten kum 10 an tlin lawmna chu nimin khan Whitestone Conference Hall, Ramhlun North-ah Health Minister, Lal Thanzara hovin neih a ni.

Rural Development Department in a kalpui mek Mizoram State Rural Livelihoods Mission (MzSRLM) hnuaia Scheme pakhat Aajeevika Grameen Express Yojana (AGEY) a\angin Mizoram-a RD Block pathum-a lirthei hman tur 18 chu nimin khan Aizawl a\angin vailiam a ni.

MNF |halai Hqrs. hruaitute chuan Mizo-ram chhungah hnam dang ILP nei lo an lût nasa hle niin an sawi.

District Child Protection Unit (DCPU) Serchhip buatsaihin naupangte venhimna leh an dikna humhalhna kawnga thawktu hrang hrangte chuan nimin khan an hnathawhna kawngah \ha zawka hna thawh a nih theih dan tur chungchang sawihona an nei.

Chief Minister, Lal Thanhawla chuan niminpiah tlai khan a chenna In-ah North East Frontier Railway (NEFR) General Manager (Construction), NK Prasad leh a thawhpuite kawmin Mizoram chhunga Rel kawng phah mek chungchang a sawipui.

Mizoram-a sorkar hnathawk intelkhawm pawl te chuan Mizoram sorkar hnuaia thawk ten 7th Payanga hlawh an lak ve phutin nimin a\ang khan lungawilohna an lantir leh ta. Hetihlai hian PRISM chuan hlawh pun ngiata hna thawk lo, sorkar hnathawk zawng zawngte chu hna thawk turin an ngen.

New Economic Development Policy 2016-17 hnuaia hmalakna, Tourism Department leh ICFAI University Mizoram \angkawp buatsaih ni hnih awh tur Capacity building and Rural Homestay Training Programme chu nimin khan Champhai-ah neih \an a ni.

Ni li (4) chhung awh tur Deendayal Antyodaya Yojana-National Urban Livelihoods Mission (DAY-NULM) Mela chu nimin khan Aizawl-a Millenium Centre Roof Top-ah neih \an a ni a, UD&PA Minister, Zodintluanga chuan a hawng a ni.

Serchhip District Bawrhsap, Sangchhin Chinzah hovin thla thar December 12 leh 13-a Village Council Conference cum Panchayat Sammelan neih dan tur chungchang ngaihtuahin nimin khan Meeting neih a ni.

Tun thla ni 7-a AH&Vety Department in NLUP 3rd Phase leh 4th Phase hnuaia Vawk vulh thlangtute hnena Serchhip-a Vawk note an semchhuah zinga thi chu 44 zet a tling tawh.

Mizoram University (MZU) chuan Vawiin khan an zirlai Exam-a hlawhtling te hnena degree hlanna hun, MZU 12th Convocation chu MZU Multipurpose Hall-ah an hmang a. He hunah hian Mizoram Chief Minister, Lal Thanhawla chu khuallian niin Mizoram University Vice Chancellor thar, Prof. KRS Sambasiva Rao pawhin a hmanpui a ni.

Kum 2012-2017 chhungin Mizoram-ah HIV hrik pai 7,113 hmuhchhuah an ni a, HIV inkaichhawnna tam ber chu mipat hmeichhiatna hman a\angin a ni.

Serchhip Chanmari Vengthar-a Presbyterian  Branch Church chu nimin khan Kohhran Puitling-ah hlankai a ni a. Kohhran Puitling-a hlankaina hun hi Chhimchhak Presbytery Moderator, Pastor Dr. PR. Hmuaka chuan kaihruaiin Kohhran hi a indan tir nghal a, Chhimchhak Presbytery-a Secretary (Sr.), Upa C. Pachhunga chuan Kohhran chanchin leh indan chungchang a sawi bawk a ni. Chanmari Vengthar Branch Church hi nikum Jan. 17 khan din \an niin kum 2 vel a liam hnuah Kohhran Puitling-ah hlankai an ni a, nimin vek khan Kohhran Upa tur thlanna neih nghal a ni. Serchhip Chanmari Vengthar Kohhran thar hi Serchhip Pastor Bial hnuaia awm tur niin an Kohhran-ah hian chhungkua 53 an awm a, Kohhran member 205 awmin an zinga 120 chu Dan Zawhkim an ni.

Pathianni hmasa zan inkhawm hlana Serchhip Dinthar Veng-a Upa T. Lalrawngbawla te In-a lut-a pawisa, Rs. 60,000/- vel latu nia hriat, Lalchawimawia (23), Serchhip Vengchung nia inchhal chu man a ni tawh a, a kut a\ang hian Rs. 3290/- leh Mobile Handset hmuhlet niin amah hi Sekhum khua ah man a ni.

Serchhip-a Legal Metrology Enforcement Staff te chuan tunhnai khan Serchhip khawpui chhunga Retailer \henkhat te bukna an enfiah a, heng Retailer an enfiah zingah hian Retailer pathum te chu an bukna a diklo tih hmuhchhuah niin heng Retailer te hian Kg. 10 zelah gram 500 in an ti tlinglo nia thudawn a ni. Serchhip-a Legal Metrology Inspector chuan hetianga Retailer te bukna a dikloh chhan ah hian Retailer te hian Kudam a\angin Weightbridge hmang lova buhfai an lakchhuak vangah an puh thu sawiin, Kudam a\anga an lakchhuah ah buhfai hi a dik tawkloh avangin an ti tlinglo ve nia an sawi thu kan palai a hrilh a. Retailer te hi an la endik zui zel dawn tih a sawi bawk.

Serchhip Block Congress Committee Media Cell chuan NLUP hnuaia vawkte thi chu a semtu leh sem tur te tih theih bak thil a nih thu sawiin, pawi an tih thu an sawi a. MNF te chu Chief Minister ni mek thlangtlingtu an nih loh thu leh a tlin loh nana theihtawpa beitu an nih thu an sawi bawk.

People’s Representation for Identity and Status of Mizoram (PRISM) President, Vanlalruata chuanan Party chuan ei leh bara intodelh hi ram tana \ul hmasaah an ngai tih sawiin, an sorkar hunah chuan Buh thartu zawng zawng te |in khat zelah lawmman cheng za (Rs. 100/-) zel an pe dawn tih a sawi.

Inrinni khan Mizo Zirlai Pawl (MZP) bultumin Mizoram hmun hrang hrangah Dan lova Mizoram-a hnamdang rawnlut te dapchhuah hna thawh niin Mizoram pumah ILP neilo leh dan lova sumdawng engemaw zat hmuchhuakin thuneitute hnenah hlan an ni.

Mizoram-a District awmsa te dinhmun zirchianga tih danglam ngai a awm pawha rawtna siamtu atana din, District Re-organisation Committee chuan sorkar-ah a report a thehlut tawh.

Serchhip District Football Association buatsaih, Lalsawmliani & Lal Thanchunga Memorial Football Tournament (L&L) chu tun thla ni 21 a\ang khian khelh a ni dawn a, nizan hmasa khan he Tournament Kick-Off leh Tie Draw chu Hmar Veng YMA Hall-ah neih a ni.

CM Hawla Affidavit chungchangah mipuiin thudik kan hre chak! - Kapliana Pachuau, Serchhip

MPCC President leh Chief Minister, Lal Thanhawla chuan New Town, Kolkata-a Inhmun a neih chungchang chu a puan a puan \hin tawh thu a sawi.

Kumin Krismas leh kumthar 2018 vuakvet-a Serchhip District chhunga Dan leh Thupek kenkawh dan tur chungchang leh Halpuah, Halmawi leh silai lem mu kap chhuak thei khuahkhirh dan tur chungchangah meeting nimin khan District Bawrhsap hova neih a ni.

Serchhip District chhung hmun pali (4)-a Discover North East-Mizoram-2017 hman chu nimin khan Serchhip P&E Veng-a Leisekawt Mual-ah chhunzawmin zawhfel a ni a, he hun hi Serchhip District Bawrhsap, Sangchhin Chinzah chuan khuallian niin a hmanpui a ni.

Serchhip-a Agriculture Department chuan nimin khan NLUP-NEDP Convergence a\anga \anpuina sum Rs. 848,600/- chu chhungkaw 13 hnenah an hlan.

MNF East Block Serchhip chuan tunhnaia Serchhip khawpui chhunga NLUP hnuaia Vawkte sem zinga 30 chuang chu a thi tawh niin an sawi.

Serchhip District Sanitation Task Force hmalakna in nimin khan Serchhip DC’s Conference Hall-ah Swachh Survekshan-2018 hnuaia hmalak zelna tur chungchang sawihona neih a ni a. Serchhip khawchhunga chhungkaw tinah Sanitation Fee, thla tin cheng 10 \heuh khawn turin rel a ni.

Tun thla ni 7-a Chief Minister, Lal Than-hawla’n a hawn, Serchhip AOC Veng-a Education Complex chu luah turin bungrua thiarluh mek a ni a. Ruahmang ang chuan tuna mimal In luah a awm mek District Education Officer (DEO) Office leh Sub-Divisional Education Officer (SDEO) Office te chu he building-ah hian an awm dawn a. Rashtriya Madhyamik Shiksha Abhiyan (RMSA) District Project Coordinator Office pawh awm tura ruahman a ni bawk.

India hmarchhak State-a hnam hrang hrang te nunphung leh ziarang phochhuahna atana ruahman, Discover North East-Mizoram 2017 chu nimin khan a ni thumna atan Chhiahtlang-a Govt. Middle School Ground-ah neih a ni a. He hun hi Chuauhnuna, Addl. DC, Serchhip chuan khuallian niin a hmanpui a. Khuallian chuan India rama hnam hrang hrangte chu in enhrang tur kan nih loh thu leh lungrual taka kal zel tur kan nih thu a sawi bawk. He hunah hian Hnam lam chi hrang hrang entir a ni a, Vawiin hian Leise-kawt Mual-ah he Programme kharna hi hman leh tura ruahman a ni.

Serchhip District Magistrate chuan halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khapna thupek a tichhuak.

District Child Protection Unit (DCPU) hnuaia Serchhip khawpui chhunga Village Level Child ProtectionUnit te tan an hmalak dan tur an hnathawh dan tur zirhona chu nimin khan Serchhip DC’s Conference Hall-ah neih a ni a, District Bawrhsap, Sangchhin Chinzah chuan khuallian niin a hmanpui a ni.

Art & Culture Department leh North East Zone Cultural Centre, Dimapur te \angkawp buat-saih 'Discover North East Mizoram 2017' chu nimin khan Kei\um Playground-ah hman leh a ni a, BSF, Dawngzawl-a Deputy Commandant, Lalrinchhana Pachuau chuan khuallian nia he hun hi hmanpuiin India rama Hnam hrang hrang ten inpumkhatna \ha an neih theihna tura hetiang hun buatsaih a ni leh Kei\um khua ah ngei hetiang hun pawimawh nghah a ni chu lawmawm a tih thu sawiin, he programme hi a hawng a ni. He hunah hian State pawh a\anga Cultural Troupe rawn kal te bakah Kei\um a\angin Cultural Club, Branch YMA leh Presbyterian English School ten Hnam lam an entir a, mipui \hahnem tak an tel bawk. He Programme hi Vawiin hian Chhiahtlang-a Govt. Middle School Field, Chanmari-ah chhunzawm leh a ni ang.

Serchhip District Superintendent of Police chuan tunhnai khan Serchhip-ah Auto Rickshaw Stand siam belh a nih thu thuchhuah siamin a tarlang a. SP thuchhuah chuan New Serchhip College Peng-a Lalziki In a\anga R. Zakapa In thleng, meter 30-a thui chu Auto Rickshaw Stand atan ruat a nih thu leh Serchhip P&E Veng-a J. Romandinga In kawt, Marian High School peng a\anga hmarlam meter 30 chu Auto Rickshaw Stand atan siam a nih thu a tarlang a. Heng thu-pek siam thar te hian a hmaa thupek lo awm tawh te chu a thlak thu leh thupek dang a awm leh hma zawng chu hman tur a nih thu a tarlang bawk.

Serchhip-a Legal Metrology Enforcement Staff ten tunhnaia Serchhip-a Motor Parts leh Electronics leh Electrical parts zawrhna dawr hrang hrang an enfiahna ah dawr 25 zinga dawr 23 ah te Maximum Retail Price (MRP) diklo taka hman a ni tih hmuhchhuah a ni.

Nimin a\ang khan rampumah Electoral Roll Special Drive neih \an a ni a. He Special Drive pual hian Serchhip District chhunga BLO te pawhin an bial chhung \heuha ruahmanna awm sa angin hma an la dawn a ni.

MNF Party chuan Chief Minister, Lal Thanhawla chu chhechham meuha Mizo mipui leh Election Commission of India bumtu ah puhin, MLA a\anga a ban an phut thu an sawi.

Mizoram Pradesh Congress Committee (MPCC) Media Department chuan Election Commission ofIndia-a an President, Chief Minister hekna chu Dan hnuaiah thu tlinglo niin an sawi a. An President, Lal Thanhawla’n Kolkatta-a ram a neih dan chu an sawifiah bawk.

Naupangte Ni, 'Children's Day' chu nimin khan ramchhung hmun hrang hrangah hman a ni a, Serchhip-ah pawh District Child Protection Unit (DCPU) huaihawtin he Ni hi urhsun taka hman a ni.

Ni 4 chhunga Serchhip District-a Discover North East-Mizoram, 2017 hman tur chu nimin khan Govt. Serchhip College Basketball Court-ah neih \an a ni a, he hun hi Serchhip District Superintendent of Police, Lalringdika chuan khuallian nia hmanpuiin Hnam Lam chi hrang hrang entir a ni.

Mizoram Legislative Assembly Session chu nimin khan Aizawl-a Assembly House-ah neih \an a nia. MNF chuan Affidavit diklo hmangtu Chief Minister, Lal Thanhawla chu Assembly House-a \hu tlakah an ngaihloh thu sawiin, Chief Minister in Assembly House a pan tur chu an lo dang a. Hei hi Congress chuan mawilo an tih thu an sawi.

Serchhip Sub-Hqrs. YMA hnuaia Education & Youth Affairs Committee hmalakna in nimin khan Chhingchhip-a St. Peters School-ah Education Campaign chu neih chhunzawm leh a ni a, he Campaign-ah hian Dr. Lalrintluanga Sailo, Asst. Prof., Govt. Serchhip College leh Lalnunmawii Varte, SDPO te chuan Civil Service hrang hranga \halaite luh theih dan tur kawng te zirlaite hnenah an zirtir a. He hun hi Serchhip DEO, Lawmawma leh Vanlalchhunga, Coordinator, RUSA bakah Kawl\huama, Vice President, Sub-Hqrs. YMA te pawhin an hmanpui a ni.

Nimin khan rampumah National Achievement Survey neih a ni a, he Survey hi Mizoram-ah pawh neih niin Serchhip-ah pawh DIET buatsaihin National Achievement Survey hi neih a ni.

Pathianni zan inkhawm hlan khan Serchhip Dinthar Veng-a Upa T. Lalrawngbawla In-ah misual lutru in pawisafai Rs. 60,000/- vel rukchhuah a ni a, he In rawktu nia hriat hi Police te chuan an umzui mek.

Mizoram Larsap, Lt. Gen (Rtd) Nirbhay Sharma chuan Mizoram Public Service Commission (MPSC) Chairman atan Rev. Zosangliana Colney a ruat a, member thar atan PHE Department Secretary ni lai, V. Remthanga, IAS a ruat bawk. Hemi chungchang hriattirna hi nimin khan sorkar chuan a chhuah a, MPSC Chairman, PC. Lawmkunga a chhuah hnuah member Rev Zosangliana Colney hian Chairman hna lo chelh lailawkin, Chairman atana dah nghehna order sorkar chuan a ti chhuak ta a, member thar atan V. Lalremthanga pawh a dah nghal bawk a ni.

ZNP President, Lalduhoma chuan midang, an rilru alo tihnat tawh te chungah ngaihdam dilin, a bikinMNF leh Congress hruaitute leh an mipuite hnena ngaihdam dilin, Zoram mipuite pawh ngaihdam a \ulna apianga ngaidam turin a ngen.

Ni thum chhung awh tur Mizoram Legislative Assembly Session chu Vawiin hian neih \an a ni dawn ta.

India leh Myanmar insumdawn tawnna tur KMMTTP kawngpui laih mek chu chhunzawm mek zel a ni a, he hna thawh mekah hian hnathawh tur zatve aia tam thawh tawh a ni.

Ministry of Human Resource Development (MHRD) bultumin Inrinni khan Serchhip District-a Class-VIII zirlaite tan National Means-cum-Merit Scholarship (NMMS) Exam chu neih a ni.

PRISM hruaitute chuan MLA inthlanpui lo awm tur atan an inpeih tawh thu an sawi a. Chief Minister, Lal Thanhawla bial telin Bial 27 vel la thei tura an inngaih thu leh a aia tam zawk la thei tura hma an lak thu an sawi.

Mizoram University Vice Chancellor atan sorkar laipui chuan Professor KRS Sambasiva Rao chu a rawn ruat thar ta. Mizoram University in hun engemaw chen Vice Chancellor nghet a neihloh avanga zirlai ten lungawilohna an lantir hnuah leh sorkar leh tlawmngai pawl bakah zirlai pawl te pawhin sorkar laipui hnena thu thlena hma an lak hnuah Zirtawpni khan sorkar laipui-a Ministry of Human Resource Development chuan Vice Chancellor thar ruatna hi a tichhuak a ni. MZU VC thar tur, Prof. Krothapalli Raja Surya Sambasiva Rao hian kum 2014 October a\ang khan Acharya Nagarjuna University-ah Rector hna chelhin, kum 2015 April a\anga August thleng khan he University-ah vek hian Vice Chancellor hna alo chelh tawh bawk, amah hi Biotechnology Department Professor leh Chairman a ni.

MNF |halai, Mizo National Youth Front (MNYF) buatsaihin Inrinni khan Serchhip-ah 'Vangpui Feh-chhuah' hun hman a ni a, he hun hi MNYF President, Er. Lalrinawma, MLA leh Dr. K. Beichhua, MLA ten an rawn hmanpuiin zaithiam te nen Serchhip Bazar-ah hun hman a ni.

MNF |halaite chuan Zuangtui Kudam-a buhfai ei tlak loh, mipuite hnena semchhuah loh tura hnawl (reject) nia an sawi buhfai Ip \hahnem tak, West Phaileng Kudam-a dah tura Motor (Truck)-a hlan chu an nangching tih an sawi.

Bye Bye Malaria Foundation hmanga khawvela Malaria a bo theih nana hmalatu, Stuart Spani-a chuan Mizoram-ah Malaria vanga thihna a tlem chho telh telh niin a sawi.

Nimin khan MJA General Hqrs. chuan Ai-zawl-ah Executive Committee Meeting neiin MJA Member dilna hrang hrang lut zingah MJA Member atan mi 8 lakluh an remti a. Heng zingah hian Serchhip District a\angin Liantluanga Renthlei, Editor Vantawng (Thenzawl) leh R. Lalhminghlua, Editor Hrangturzo (North Van-laiphai) te chu an tel a ni.

Serchhip AOC Veng-a School Education Complex Building sak thar chu nimin khan Chief Minister,Lal Thanhawla chuan a hawng a. He Building sak thar lawmna hi P&E Veng YMA Hall-ah neih chhunzawm niin Chief Minister chuan Zirtirtute chu kawng engkim ah Zirlaite tan ‘Role Model’ nih tum turin a chah.