MPCC President in In hmun a neih a zep ngailo tih sawi

MPCC President leh Chief Minister, Lal Thanhawla chuan New Town, Kolkata-a Inhmun a neih chungchang chu a puan a puan \hin tawh thu a sawi.

Nimin a Aizawl Congress Bhavan-a thu a sawina ah he thu hi sawiin MPCC President, Lal Thanhawla chuan, “Khulaia Inhmun ka nei hi ka chhuan vang ni lovin an Land Holding System kalpui dan khu \ha ka tih em avangin ka sawi ka sawi \hin a. Tuna Pu Hriata Chhangte in a rawn sawi hma daih a\angin ka lo sawi tawh \hin. He hmunah hian ram ka nei tih miin an hriat hnu hian a maktaduai tela leiah min dil a. Hralh ni ta ila, ka hralhna man a\angin a ram neitu, West Bengal sorkar khuan pawisa engemawzat a la let dawn a, hetiang system hi kan ram a neih ve atan ka awt hle a ni,” a ti.

MPCC President chuan Hriata Chhangte chungchang pawh sawiin, “Vawikhat lai khan Mizoram sorkar hnuaia hna thawh a rawn dil a, Head of Department nih a rawn beisei a. Serchhip-ah khian ka luh tirhin hmelhriat ka neih tam loh avangin kan hotuten a pa u-te In-ah min thlen tir a, an ni hi iptepui bannaa ka hman an ni a. A nu hi kan party mi ni lo mahse min duhsaktu a ni, an chungah pawh ka lawm khawp mai. Mahse amah Hriata hi ka mi hriatchian a nih loh avangin a chanchin hre deuh awmte ka han zawt kual a. Heng mite hian an recommend vak loh avangin a dilna hi kan tihhlawhtlin sak ta lo a ni,” a ti bawk.