Serchhip leh Bungtlang inkar NH. 54 kawngpui siamthat hna ngawrh taka thawh mek a ni

Serchhip leh Kei\um inkar National Highway-54 siam\hat hna chu Inrinni a\ang khan thawh \an niin tun thla chhungin zawh hman beisei a ni.

PWD (Highway) enkawl lai Serchhip leh Hrangchalkawn inkar National Highway-54 siam\hat hna kal mekah hian Rawpui leh Hrang-chalkawn inkar siam hna zawh a nih hnuah Serchhip leh Rawpui inkar siam hna hi thawh leh mek a ni a, tunah hian Rawpui leh Bungtlang inkar siam zo leh tawhin Serchhip leh Bungtlang siam\hat hna chu kalpui mek a ni. Serchhip Zero Point (Sailiamkawn) leh Hrangchalkawn inkar kawngpui NH. 54 siam\hat hna hi SLT Infracon Ltd. ten thawkin PWD (Highway) a\angin thawktu ten an hna kal mek hi an vil bawk a ni. Serchhip leh Bungtlang inkar kawng siam\ha tur hian Serchhip chhim lam khaw tawp, Sailiamkawn-a Zero Point a\anga thawh \an niin Inrinni, Dec. 2 khan thawh \an a ni a, PWD lam a\anga hnathawh viltute chuan KM 17-a thui he kawng hi tun thla ni 20 hmaa zawh hman an beisei tih an sawi a, an kawng siam dan hi tunhma ami ang a nih loh thu sawiin, BC (Bitumen Concrete) hmanga siam a nih thu leh a chhah zawng hi 20-25mm vela chhah tur a nih thu an sawi a, duhthusam ah chuan an kawng siam\hat hi darkar 24 tal lirthei in rap lo se an duh rualin khualzin veivak te tan harsatna a awm theih dawn avangin hunbi siamin kawng hi hawn-a khar \hin a nih thu an sawi bawk.

Helai kawng siam mek thawktute chuan Serchhip khawchhung kawng chu tuna an siam turah hian a telloh thu kan Palai zawhna chhangin an sawi a, tuna an kawng siam mek hi Serchhip Zero Point leh Hrangchalkawn inkar a nih thu leh Serchhip khawpui chhung chu package hran a nih avangin tuna an siam turah hian a telloh thu bakah Serchhip khawpui chhung kawngpui siam\hat ve tumna a awm an hriat loh thu an sawi bawk.

Hetihlai hian nimin khan Serchhip Sub-Hqrs.YMA Vigilance & Monitoring Committee chuan he kawng siam mek hi tlawhin hnathawh dan an enfiah a, nimin-a an hnathawh an thlir chinah an lawm thawkhat hle tih sawiin, mit tlunglo lai deuh awmchhun pawh PWD (Highway) lamin lo siam\hat tir leh thuai an tum thu an sawi niin Sub-Hqrs. YMA Serchhip Vigilance & Monitoring Committee hruaitute chuan an sawi a. Bungtlang khawdaia SLT Infracon Ltd. ho hmunpui pawh YMA Sub-Hqrs. VMC hruaitute hian an tlawh nghal a, helaia hnathawk Engineer lo awm te chuan Kawngpui metal tura Rora an hmandan te, Cement leh Alkatra/Bitument/Emulsion an chawhpawlhdan te lo hrilhin an hmanrua (Material) hman te pawh a \ha thawkhat hle niin VMC hruaitute chuan an hria a ni.