Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mizoram Police ten chawimawina hlan

Mizoram Police te chuan nimin khan Biaksanglura hnenah chawimawina hlanin he chawimawina in a ken, Citation leh pawisa fai Rs. 5000 chu IGP (M), Zorammawia chuan a hlan a ni.
Mizoram Police in chawimawina an hlan, Biaksanglura hi kumin January 28-a Chawngte-a Storekeeper, H. Vanlaltlana rawng taka that a, a pawisa cheng nuai 17.8 ruksaka tlanbo zuita Lalnunzauva s/o Lalmuana (L) of Chawngte, Riasikah khawdaia lo man a, rang taka Police te hnena thu thlentu a ni a. Amah chawimawina hlanna puala inkhawm Mizoram Police Hqrs, Khatla, Aizawl-a neih ah IGP (M), Zoram-mawia, IPS chuan chawimawina hi a hlan a ni.
He hunah hian IGP (M), Zorammawia chuan Biaksanglura huaisenna leh remhriatna chu fakawm a tih thu sawiin, a thiltih ropui tak avangin he tualthattu hi man niin dan ang thlapa Police ten investigation an kalpui theih phah a, damchhung lung In tang tura hrem a ni ta nghe nghe tih a sawi a. Biaksanglura thiltih chu Mizoram Police te chuan an chhuangin an hlut tak zet ani tih entirnan he chawimawina hi hlan an nih thu a sawi a. Mipuite hian dan bawhchhetute chhui leh manna kawngah tihtur pawimawh tak an nei tih pawh sawiin, mipui ten Police an thawhpui \hat avangin lawmawm a tih thu leh tun aia nasa lehzual zawka Police te thawhpui turin mipuite a sawm bawk.

Comments

Popular News (Last 30 Days)