Mizoram sawrkar hnuaia thawk nuar ten Vawiin a\angin an hna an chhunzawm dawn

Mizoram sawrkar hnathawk inzawmkhawm pawl, Federation of Mizoram Govt. Employees & Workers chuan sorkar laipui Pay Commission 7-na rawt anga hlawh thar lak ph<t nana Nilaini a\anga a huhovin chawlh an lak chu tihtawp rem tiin Vawiin a\angin an hna an thawk chhunzawm leh ang.

Mizoram sawrkar hnathawk inzawmkhawm pawl, Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak phuta niminpiah a\anga nawrhna an kalpui mek chungchang hi nimin khan an pawl hruaitute chu Aizawl-a Transport Departent Conference Hall-ah \hukhawmin an member-te chu Vawiin a\anga dan pangngaia hna thawk chhunzawm turin a ngen a. FMGE&W-in hlawh thar lak an phut chungchang hi nizan hmasa khan Chief Minister, Lal Thanhawla a awm loh avanga Chief Minister Charge la mektu, Deputy Chief Minister, R. Lalzirlaina'n an pawl hruaitute a sawipui a, an inkawmnaah hian Home Minister chuan, FMGE&W te duhna chu Sawrkar-in a hriat tawh thu leh an thilphut tihhlawhlin nawr nana lungawilohna an lantir chungchanga Chief Minister thuchah hrilhin, sawrkar hnathawkte chu an hna thawk chhunzawm tur leh an duhna chu a \ul anga bawhzui a nih tur thu a hrilh a. FMGE&W hruaitute pawhin, 7th pay chungchanga an harsatna leh hmalakpui tura an duh thu an thlen ve bawk a ni.

Home Minister nena an inbiakna leh Sawrkar-in hnathawk chhunzawm tura a ngen chungchang hi nimin chhun dar 12:00 khan Federation of Mizoram Govt. Employees & Workers hruaitute chuan Zodin Square-a Transport Department Conference Hall-ah an ngaihtuah nghal a. An dinhmun hrethiam taka Sawrkar-in a en avang leh Chief Minister leh Home Minister-in an duhna Sorkar-in a hriat tawh thu hrilh a, an nawrhna titawp tura an ngenna chu zahawm an tih avangin sorkar ngenna chu zawm nise an ti a. Ruahmanna an lo siam tawh angin a huhova chawlh an lak chu Vawiin-ah pawh chhunzawm tur ni mah se, an member-te chu Vawiin a\anga dan pangngaia Pisa kai chhunzawm turin an hriattir a ni. 

FMGE&W hruaitute chuan, an thil phut tihhlawhtlin ngiat nana lungawilohna an lantir thlawptu an pawl member leh an pawla inziaklut chiah loh Sawrkar hnathawk dangte chungah lawmthu an sawi a. An dinhmun hrethiam a, lung-awilohna an lantir chhunga ngaihhnamthiam taka entu Sorkar hotute zawng zawng leh Mizoram mipuite hnenah lawmthu sawiin, rilru tihnat an lo nei a nih chuan an hriatthiamna an ngen tih an sawi a. An kalzel dan tur chungchangah pawh FMGE&W General Headquarters thu leh hla lo ngaichang zel turin member tin te an ngen bawk a ni.

Mizoram sorkar hnathawk inzawm-khawm pawl, Federation of Mizoram Govt. Employees & Workers-in sorkar laipui Pay Commission 7-na rawt anga hlawh thar lak ph<t nana niminpiah a\ang khan a huhovin chawlh an lak chu nimin pawh khan chhunzawm a ni a. Nimin-piah lama an lo tih tawh angin an pawl hruaitute chu hlawm 9-ah in\henin, Aizawl khawpui chhung hmun hrang hrangah an member Pisa kai an awm leh awm loh an enfiah leh a, hetiang bawk hian District hrang hrangah pawh Sorkar hnawthawk te chuan Pisa an chawl vek a ni.

Mizoram Sawrkar hnuaia hnathawkten a huhovin chawlh an lak chhung hian mipuiin har-satna nasa zawk an tawh loh nan nitin mamawh zualpui – Tui, Eng, Damdawi lam, Dan leh Thupek kengkawhtute leh rikrum thila Duty-te chuan dan pangngaiin hna an thawk chhunzawm thung a, Sorkar damdawi In-a inentirna chu khar vek a ni a, thil hmanhmawhthlak zual tih loh chu an khawih lova, Bank leh Sorkar laipui hnuaia hna-thawkte chuan a pangngaiin Pisa an kai vek thung a ni.