NLUP hnuaia vawk note sem thi tam tih sawi

MNF East Block Serchhip chuan tunhnaia Serchhip khawpui chhunga NLUP hnuaia Vawkte sem zinga 30 chuang chu a thi tawh niin an sawi.

Nimin a thuchhuah an siama an tarlan danin tun thla ni 7-a bialtu MLA leh Chief Minister, Lal Thanhawla’n Serchhip khawpui chhunga NLUP 3rd & 4th Phase hnuaia Vawk thlangtute tana Vawkte a sem chu Vawkte chhe chi ber niin an tarlang a, tunah hian Serchhip khawpui chhunga Vawk note 30 (sawmthum) chuang a thi tawh tih an tarlang a. Miharsa leh rethei zawk ten leirem an rah ve theih nana an hmalakna ve chu a thlawn maiah a chang ta nia tarlangin, pawi an tiin an tawrhpui takzet tih an tarlang a. Hemi chungchang hi bialtu MLA leh Chief Minister hian an hre tawh em tih zawtin, “Engtia hmalak nge a tum tih hi kan zawhna a ni,” an ti bawk.

Hei bakah hian MNF East Block Serchhip chuan Serchhip bial mipui leh Election Commission of India meuh buma Affidavit lem siama MLA atana Serchhip bial mipui ten an thlantlin Lal Thanhawla chu MLA a nihna a\anga banna thehlut ngei turin an phut thu pawh an thuchhuah ah chuan an tarlang bawk.