Mizoram-a eirawngbawlna Gas man tur bithliah a ni

Food, Civil Supplies & Consumer Affairs Department chuan Nov. 1, 2017-a thuchhuah a lo siam tawh chu ti danglamin IOCL Revised Retail Selling Price angin,

Mizoram chhung khaw hrang hranga Kg. 14.2-a rit LPG Domestic Subsidised, Non-Subsidised Rate leh DBTL Scheme hnuaia Subsidy dawn tur zat chu a tichhuak a, Mizoram pumah Vairengte chu eirawngbawlna Gas man tlawmna ber niin Kg. 14.2-a rit ei-rawngbawlna Gas bur khat man chu Rs. 854/- a ni anga, Vairengte tihloh, Serchhip tiamin Mizoram hmundang zawngah chuan LPG Kg. 14.2 a rit bur khat man chu subsidy pek hmain Rs. 869/- a ni anga, eirawngbawlna Gas bur khat ah hian Subsidy Rs. 378.54 zel pek a ni ang.

Hetihlai hian Commercial Cylinder Kg. 19-a rit bur khat man chu Rs. 1515/- a ni thung ang. Eirawngbawlna Gas man thar ang hian Domestic Cylinder-ah chuan Home Delivery a hralh dawn chuan Rs. 7.53 belh zel tur a ni a, showroom a hralh dawn erawh chuan Rs. 18.00 zel paih thung tur a ni a, hei hian RGGLV Distributor te a huam lo thung a ni.