Ni 4 chhung awh tur DAY-NULM neih \an a ni

Ni li (4) chhung awh tur Deendayal Antyodaya Yojana-National Urban Livelihoods Mission (DAY-NULM) Mela chu nimin khan Aizawl-a Millenium Centre Roof Top-ah neih \an a ni a, UD&PA Minister, Zodintluanga chuan a hawng a ni.

Urban Development and Poverty Alleviation (UD&PA) Department buatsaih NULM Mela-ah hian UD&PA Minister, Zodintluanga chuan DAY-NULM chu miharsa zawkte chawikanna leh retheihna umbona tura hmalakna a nih thu sawiin, a hnuaia programme hrang hrang hmang \angkaitu te tana Mela chu buatsaih a nih thu a sawi a. DAY-NULM Mela chu mahni kutchhuak leh thiamthilte phochhuah theihna hun \ha tak a nih thu sawiin, hmasawnna tam tak a thlen ngei a beisei thu a sawi a. DAY-NULM beneficiary ten an thiam thil an phochhuah bakah Skill programme beneficiary ten Massage leh Beauty Parlour an hawng chu lawmawm a tih thu a sawi bawk.

UD&PA Minister chuan kan ram leh hnam intodelhna kawngah \halaite an pawimawh thu pawh sawiin, NULM programme-a zirlai (trainees) te chu taihmakna, rinawmna leh insumtheihna nena zir turin a chah a. District hrang hrang a\anga NULM ham\hatna dawngtu Self Help Group (SHG) member-te, Skill Training chhuak tawhte leh Loan latu hlawhtling tak tak DAY-NULM Mela-ah hian an kalkhawm thu pawh sawiin, DAY-NULM hmalakna te ti hlawhtling tur chuan mipui kan pawimawh thu leh theihtawp chhuah a, hmalam pan \heuh turin kalkhawmte chu a fuih bawk.

DAY-NULM hi Sorkar laipui-a Ministry of Housing and Urban Affairs hnuaia programme pawimawh tak, khawpuia miharsa zawkte \anpuina turin September Ni 24, 2013 khan bul\an a ni a. Mizoram-ah chuan UD&PA-in Mission hi an kalpui a, District khawpui 8-ah leh Census Town thlanchhuah bik 7-ah hmalak mek a ni.

Sorkar laipui ruahmanna anga kalpui Deendayal Antyodaya Yojana-National Urban Livelihoods Mission (DAY-NULM) hnuaiah hian component hrang hrang awmin chung zingah chuan Social Mobilisation & Institutional Development (SM&ID) hnuaia SHG (Self Help Group) 57 te leh Employment through Skill Training and Placement (EST&P) hnuaia thiam thil zirchhuak mi 6 leh Self-Employment Programme (SEP) hnuaia loan la mi 7 eizawnna din tawhten an thiam thil an phochhuak a. Aizawl, Kolasib, Lunglei, Serchhip, Mamit leh Lawngtlai a\anga  kalkhawm an ni a. Mela-ah hian Mission kalpuina atana thawktu Skill Training Provider leh Resource Organization ten Stall neiin DAY-NULM hnuaia hmalaknate mipui hrilhhriatna an nei nghal dawn a. Mela-ah hian Stall 77 a awm a ni.