Latest News

Measles & Rubella vaccine pek dan tur zirhona neih a ni

Kumthar January thla a\anga Measles & Rubella (Sentut leh Thaksep) Vaccine pek beihpui thlak dan tur chungchang ah nimin khan Serchhip District-a Doctor Health Supervisor te tan training buatsaih a ni.
Sorkar laipui ruahmanna anga Santut (Measles) leh Thak natna chikhat (Rubella) vaccine pek beihpuithlak dan tur zirhona Serchhip CMO Conference Hall-a neih ah hian Serchhip District chhunga Doctor te bakah Ser-chhip-a Health Supervisor te an tel a, he huna tel te hi State Nodal Officer (RCH), Dr. Lalthanpuii leh District Immunization Officer, Dr. Lalhlunpuii te chuan he beihpuithlakna tura hriat tur pawi-mawh te zirtirna pein he Vaccine pek beihpuithlak in a tum ber chu India rama Zeng hri danna umbo a nih tawh angin, kum 2020-ah chuan Sentut natna umbo leh Thak natna chikhat, Rubella khuahkhirh a ni a, he beihpuithlakna hi kum 15 hnuailam tana kalpui tur niin, Measles leh Rubella hri danna te hi hri pek dan pangngai a kalpui ni tho mah se ngawrh zawka kalpui a ni dawn a ni.
He Vaccine pek beihpuithlakna hi January ni 18, 2018 a\anga \anin ni 30 chhunga District chhungin nausen thla 9 a\anga kum 15 inkar zawng zawngte pek vek tur a ni a. A tir Hapta hnih (2) chhung chu zirna In zawng zawngah pek tur niin, a dawt Hapta hnih chhung chu vantlang huapin khawtlang-ah kalpui a ni ang a. A tawp Hapta khatah chuan a thual nawnna neih tur a ni ang. Sentut natna hi naupangte tana thihna thlen theitu natna hlauhawm, kum 2015 chhunga khawvel puma naupang 1,34,000 te nunna suattu, India ram bikah pawh naupang 47,000 zet te thihna thlentu natna a ni.

Comments

Popular News (Last 30 Days)