Latest News

Serchhip-ah International Day of Persons with Disabilities pualin hun hman a ni

International Day of Persons with Disabilities, ‘Rualbanlote Ni’ chu nimin khan Serchhip-ah hman a ni a, he Ni puala inkhawm neih chu District Bawrhsap, Sangchhin Chinzah chuan a hmanpui a ni.
Nimin a Serchhip-a International Day of Persons with Disabilities puala inkhawm hi hun hnih ah \hen niin hun hmasa, chawhma lamah Govt. High School Serchhip tual-ah intihhlimna neia hun hman a ni a, he hun hi District Education Officer, Lawmawma chuan a hmanpui a ni. He Ni puala chawhnu lama inkhawm, Zoram Entu Pawl (ZEP) Serchhip leh RMSA Serchhip \angkawp buatsaiha BNRGSK Hall-a neih chu District Bawrhsap, Sangchhin Chinzah chuan hmanpuiin Taksa pianphung-a rualbanlo nih aiin rilru lama rualbanlo nih a hlauhawm zawk tih a sawi a, rualbanlohna hrang hrang nei te chu ‘Vohbik’ an nih zawk thu sawiin, heng Vohbik ten tih takzetna nena theihtawp chhuaha an thil tihna ah chuan mi pangngai zawk te ai pawhin theihna an nei sang \hin zawk thu leh chu chu ropui a tih thu a sawi a, he huna kalkhawm Serchhip District chhunga Vohbik te leh an chhungte leh anmahni enkawltu chu an tih theih tawka an tih te Pathian in mal a sawm \hin tih a sawi bawk.
International Day of Persons with Disabilities puala inkhawm hi SSA Mission Serchhip District-a Dy. DPC, PC. Vanlalluna chuan kaihruaiin SSA District Project Coordinator, Vanlalchhana chuan thu a sawi bakah Shalom Special School naupangte a\angin Items hmuhnawm tak tak ngaihthlak leh thlirho ani a, Khual zahawm, Lawmawma DEO chuan chawhma lama infiamna chi hrang hrang a ti\ha te hnenah lawmman a sem bawk a ni.
Nimin a he hun hmanna ah hian Khuallian leh District Education Officer te chu Vohbik te hian anmahni kutkawih ngeia an siam thilpek an hlan a, he Ni pual a Vohbik te kutthemthiam thil phochhuahna lanna, Exhibition chu Govt. High School Serchhip Class Room-ah neih nghal niin he Exhibition hi Khuallian hian a tlawh nghal bawk a, Vohbik te thil siamchhuah hrang hrang phochhuah te chu Exhibition tlawhtute hian an hlut hle a, a vaiin hralhzawh nghal vek a ni bawk. International Day of Persons with Disabilities hi Mizoram khawpui hrang hrangah te pawh urhsun taka hman a ni bawk.

Comments

Popular News (Last 30 Days)