Bru laklet dan tur thlirho

Kum 2018 March thla a Bru laklet dan tur ngaituahin nimin khan Kolasib-ah District Level Committee chu an \hukhawm.

Nimina \hutkhawm ah hian Kolasib District a Bru laklet dan tura rua-hmanna Road Map-a Route B chu sawi zau niin, Kanhmun-Zamuang-Bairabi kawng an zawh anga, Bairabi chu Staging Area (zan 1 riahna tur) tur niin hemi hnu hian khaw 10 a sem darh tur an ni a. Chenna tur hmun nghet an neih hma in Chenna tur lailawk (Temporary Shelter) siam sak an ni anga, an awm nghehna tur hi kar khat chhunga peihfel tura beisei niin hemi buaipui tur hian Home Department a\angin Liaison Officer ruat a ni a, District Level atangin Administrative Officer 10 leh Supporting staff 3 ruat an ni bawk a, an mahni puibawm tur hian Village Council leh NGO hruaitute ngen nise tiin he \hutkhawma tel te hian an rel a ni.

March 2018-a Bru raltlan laklet tur te hi Tripura-a Camp 6 a\angin chhungkaw 824 an ni a, Kolasib District chhunga khaw 10 a sem darh tur an ni a. Bru laklet nana Zinna senso, chhena In sakna tur, chen lailawkna tur, Ration leh a kaihnawih dang danga tana Senso tur Rs. 184,421,317.60/- chu District Level a\angin Home Department-ah thehluh a nih tawh thu he hunah hian tarlan bawk a ni a, January thla laihawl vela \hutkhawm leh tura rel bawk a ni.

Nimin a \hutkhawm ah hian Kolasib Addl. DC, Laltanpuia Hnamte bakah Police lam hotute pawh an tel a, he \hutkhawm ah hian Bru te laklet dan tur Route B chu a a kal fuhloh takin Route A pawh duan a nih thu tarlan bawk.

Tarlan tawh angin Mizoram mi Bru eng-emaw zat chu chhan hrang hrang avangin Tri-pura-ah hian raltlan in an awm mek a, sorkar in laklet tumin ruahmanna hrang hrang siam \hin mah se tun thlenga la kir duhlo hi mi engemaw zat an la awm a ni.