Halpuah leh thildang khapna District Bawrhsap in tichhuak

Serchhip District Magistrate chuan halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khapna thupek a tichhuak.

Hemi chungchanga nimin a thupek a tihchhuah ah Serchhip District Magistrate chuan Home Minister hova Oct. 26, 2017-a Meeting chuan mihring hriselna atana \halo leh mi hliam palh thei, halpuah, halmawi leh naupang silai lem mu neite hi kawl, zawrh, lakluh leh hman khapna thupek chhuah nise tiin a rel tih a tarlang a. Hemi ang hian Section 144 Cr. PC leh 133 (b) Cr. Pc, 1973 (2 of 1974) in thuneihna a pek angin Serchhip District huam-chhungah halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khap tlat a ni tih a tarlang a. He thupek hian chhuah anih a\anga thla 2 (hnih) chhung a huam tur thu leh a zawmlo te chu Section 188 IPC hmanga hrem an ni ang tih a tarlang a ni.

Hetihlai hian hunpui lo thleng tur vuak-vet-a Dan leh Thupek kenkawh chungchang leh halpuah, halmawi leh naupang silai lem mu neite hi kawl, zawrh, lakluh leh hman khap chungchangah hian Vawiin chawhnu dar 1:00 hian Meeting pawimawh tak DC Office Chamber-ah neih a ni bawk ang.