Krismas leh kumthar vuakvet-a Dan leh thupek kenkawh dan tur chungchang sawiho a ni

Kumin Krismas leh kumthar 2018 vuakvet-a Serchhip District chhunga Dan leh Thupek kenkawh dan tur chungchang leh Halpuah, Halmawi leh silai lem mu kap chhuak thei khuahkhirh dan tur chungchangah meeting nimin khan District Bawrhsap hova neih a ni.

Serchhip DC Office Chamber-a he \hutkhawm ah hian Bawrhsap chuan \anrual chu chakna a ni tih sawiin, kan \anrual loh chuan eng thil mah kan tih tak tak theihloh thu leh, mipuiin min thawhpui loh chuan sorkar, Dan leh Thupek kawngkawhtute ringawt chu an hmalakna ah an hlawhtling thei \hinloh tih a sawi a. Halpuah, Halmawi leh silai lem khapna chungchangah pawh mipui nena inngheng hnai ber Village Council leh YMA te nena an thawhho a pawimawh thu a sawi bawk.

Nimin a he \hutkhawm a tel te hian kumin hunpui vuakvet chhunga Halpuah, Halmawi leh Silai lem, mu kap chhuak thei chi khapna thupek District Magistrate in a lo chhuah tawh chu a hlawhtlin ngei theihna turin theihtawpa bawhzui nise tiin an rel a. Kohhran hrang hrang, YMA leh Village Council tin te chu an huamchhungah \heuh khapna thupek hi a tam thei ang ber lo puang zar tura ngen nise tia rel niin, hunpui chhung hian halpuah hal miah lohna Branch YMA te hnenah lawmman pek tura rel a ni bawk.

Hei bakah hian Sumdawngtute pawh he thupek hi zawmin phalloh thil- halpuah, halmawi leh silai lem te zuar lui turin an ngen an ni bawk a, YMA leh Police \angkawpin uluk takin an vil reng dawn bawk a ni. Hei bakah hian lirthei chak lutuka khalh leh lirthei ri bengchheng lutuk te pawh siam lo tura mipuite ngenin, Police ten a \ul angin hma an la chhunzawm zel dawn a ni. Tarlan tawh angin Serchhip District Magistrate, Sangchhin Chinzah hian Section 144 Cr. PC leh 133 (b) Cr. Pc, 1973 (2 of 1974) in thuneihna a pek angin Serchhip District huamchhungah halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khapna thupek alo tichhuak tawh a ni. Nimin a \hutkhawm ah hian Addl. DC, Chuauhnuna, MCS Addl. SP, Lalmuanpuia, MPS SDO (Sadar) R. Vanrengpuia, MCS te bakah Village Council hrang hrang aiawh leh Sub-Hqrs. YMA aiawhte pawh an tel a ni.