ZEP in damlo enkawl dan zirna neiin hmalak dan tur an duang

Zoram Entu Pawl (ZEP) Serchhip buatsaihin nimin khan an hnuaia Village Health Sanitation and Nutrition Committee (VHSNC) te tan rikrum thil alo thlen thulha damlo enkawl dan leh hriselna atana pawimawh te zirhona neih a ni.

Zoram Entu Pawl (ZEP) in Village Health Sanitation and Nutrition Committee te puala 'Training on Emergency care on ANC, PNC and First Aid' an buatsaih hi ZEP Conference Hall, Serchhip P&E Veng-ah neih niin he hunah hian Angelie Lalrinmawii, DIOCESS Project Coordinator leh Sister Irene, Supervisor Chhingchhip te Resource Person atan hman an ni a, Resource Person te hian Mit, Beng, Hnar-a thil lut leh Hrawk-a thil tang enkawl dan te, Rannung seh leh Rul-chuk bakah Ui seh an awm palha enkawl dan te, natna tlanglawn hrang hrang enkawl dan leh nau chhar thiam awmlohna hmuna nau chhar dan bakah inhliam palh an awma enkawl dan te zirho a ni.

He hunah hian ZEP Health Project in a huam khaw hrang hrang 12- Chhiahtlang, Khaw-lailung, Chekawn, Piler, Kei\um, Bungtlang, Chhingchhip, Hmun\ha, Thentlang, Hualtu, Bak-tawng leh Khumtung a\angin YMA leh MHIP hruaitute an tel a ni.

Nimin vek khan Zoram Entu Pawl (ZEP) hnuaia Community Based Rehabilitation (CBR) for Person with Disabilities chuan kum 2017-2020 chhunga an hnathawh dan tur hrang hrang duanna hun an nei bawk a, he hun hmanpui tur hian North East Regional Programme Manager, Francis chu Bangalore a\angin a rawn kal a, he hunah hian an huamchhung khaw hrang hrang- Serchhip, Chhingchhip, Chhiahtlang, Kei\um leh Bungtlang a\angin Disabled People Organi-sation (DPO) leh NGO bakah VC te tel tura sawm an ni bawk a, kum 2, 2018-2020 chhunga rualbanlo te tana hmalakna tur hrang hrangte sawiho a ni.