MUP Sub-Hqrs. Serchhip member te NEDP hnuiah zin

New Economics Development Policy (NEDP) Study Tour nei tur Serchhip Assembly Constituency huamchhunga Mizoram Upa Pawl (MUP) member 17 te chuan nimin zing khan Serchhip chhuahsanin Aizawl an pan.

NEDP Study Tour-a kal turte thlahna hun tawi Serchhip Bazar-a neih hi Serchhip DIPRO, K. Saitluanga,MIS chuan kaihhruaiin Chuauhnuna, Addl. Deputy Commissioner chuan ram hmasawnna tura thil pawimawh tak pakhat chu ram rorelna enkawltu sawrkar leh a hnathawkte leh ram mipuite inkara inpawhtawnna \ha, thawhona \ha leh inlaichinna \ha anih thu sawiin, ram mipuiten sawrkar hmalakna an hriat ve vek a pawimawh a ni, a ti a. Serchhip khawtlang tana thil \angkai leh hmasawnna tura thil pawimawh te rawn hawn ngei tura duhsakna hlanin, an hmun tlawh hrang hrangah te pawh hriat duh an neih te chu inthlahrung hauh lova zawt ngam tura fuihin a vailiam a ni

Mizoram Sawrkar chuan NEDP hnuaiah hian Chanchinbu mite, MUP leh a \ul dan ang zelin midangte tan pawh Study Tour Programme a ruahman a. Tunhnaiah Serchhip District chhung a\angin chanchinbu mi 4 te chu phai lamah an zin chhuak tawh a, MJA Serchhip District tan hian Mizoram khawchhak lama zin chhuak leh turin ruahmanna kalpui mek a ni bawk.

Nimin-a Serchhip Assembly Constituency huamchhung a\ang MUP Study Tour nei turte hi member 20, Serchhip North Area, Serchhip South Area, New Serchhip Area leh Thenzawl Area a\angin mi 5 \heuh thlan an ni a, amaherawh chu kal tura beisei \henkhat ten harsatna avanga an \hulh avangin mi 17 in Aizawl hi an pan a. Aizawl-ah hian I&PR hotuten lo dawngsawngin, hmun thlan bik engemawzat an lo tlawhkual pui dawn a. Heng mite bakah hian Tuikum Assembly Constituency leh Hrangturzo Assembly Constituency a\ang pawhin MUP Member mi 20 ve ve te chu la zin leh tura ruahman mek a ni bawk.