L&L Football Tournament kharna inkhawm neih a ni

Serchip District Football Association buat-saih, Lalsawmliani & Lal Thanchunga Memorial Football Tournament chu Inrinni khan kharna neih a ni a, he hun hi Serchhip Block Congress Committee President, PC. Vanlalsawma chuan khuallian niin a hmanpui a ni.

Serchhip District Football Association Sr. Vice President, Zolian-mawia kaihhruaia he Tournament kharna hunah ah hian khuallian, PC. Vanlalsawma chuan Ser-chhip khawpui tana infiamna lama hmunhma hrang hrangte tarlangin, sorkar chuan \halaite khawvel thar siam turin nasa taka hma lak a nih thu a sawi a. Serchhip khaw mipuite chuan Serchhip khua kan nih angin ‘Serchhip khawtlang hmasawnna atan enge kan tih theih?’ tih kan inzawh fo a \ul thu sawiin, tuna Serchhip-a Sports Complex-a Football Stadium sak mekah a panna kawng chhe mek siam\hatna turin cheng nuai 10 dah a nih tawh thu a sawi a. Sports Complex-ah intlan-siakna hmun siam tur chu tuna ruahman aia lian zawk dah tura hmalak mek a nih thu te, nakum January thla emaw, February thla ah emaw zawh hman beisei a nih thu leh zan lama inkhelh theih turin Eng pawh siam tum a nih thu a sawi bawk.

Serchhip Block Congress Committee President chuan New Serchhip Indoor Stadium-a Badminton Court pakhat ah a chhuat ah Thingphek phah a nih tawh thu pawh sawiin, tunah hian Court dangah pawh thingphek phah tura hmalak mek a nih thu leh sum pawh dah a nih tawh thu a sawi a. Infiamna-a kan inelna te chu inpumkhatna leh inkawmngaihna, \hian\ha a insiamna atana hman a \ul thu sawiin, Serchhip District Football Association \anpuina atan Rs. 10,000/- a hlan bawk.

L&L Football hi bialtu MLA leh Chief Minister, Lal Thanhawla ten an nu, Lalsawmliani leh a unaupa, Lal Thanchunga te hriatrengna atan an buatsaih a ni a, SDFA hnuaia khelh \hin niin kumin hi a vawi 17-na a ni.