Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MJA hmingin Krismas Chawlh puan tawhloh rel

Mizoram Journalists Association (MJA) Serchhip District chuan kumin ah MJA ten a hranin Krismas leh Kumthar vuakvet-ah chanchinbu chawlh siam ni tawhlo se an ti.
Nimin khan MJA Serchhip District hian an Vice President, C. Ramengmawia te In-ah Executive Meeting neiin  kumdanga Krismas leh kumthar vaukvet-a MJA Member te enkawl tualchhuang chanchinbu te tana chawlh an ruahman \hin chu kumin hian siam tawh lovin chanchinbu hrang hrang ten mahni a remchan dan anga chawlh mai nise an ti.
MJA Serchhip District chuan tun thla ni 13-15 chhung khian India leh Bangladesh te inrina a BSF Sipai te duty-na hmun tlawhin zin tum nise an ti a, hemi atan hian BSF te nen hian indawr mek niin member te kim taka kal nise an ti. Kumdanga an lo tih tawh \hin angin Dec. 21 khian Advance Krismas hman leh relin hetah hian Member ten sum leh pai thawhkhawmin hunpui lo thleng tur puala miharsa te \anpuina atan sem leh nise an ti bawk a. An Member, Kapliana Pachuau chu a pa in a boralsan avangin Dec. 11, 2017 khian MJA hminga ralna hun hman nise an ti bawk.
He hunah hian tunhnaia Mizoram sawr-kar bultuma NEDP Press Study Tour-a kal ten an zinna report pein hlawkthlak leh zawngchhang thlak an tih thu an sawi a ni.

Comments

Popular News (Last 30 Days)