Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Khawpui chhung kawngpui siam\ha ve turin ngen

Serchhip Sub-Hqrs. YMA Vigilance & Monitoring Committee chuan Serchhip khawpui chhunga National Highway thawm\hat hna thawk turin PWD (Highway) Chief Engineer, Er. K. Sawmvela hnenah ngenna an thlen.
Serchhip Sub-Hqrs. YMA Vigilance & Monitoring Committee hian PWD (Highway) Chief Engineer, K. Sawmvela hnenah hian Bungtlang leh Serchhip Sailiamkawn inkar kawng, SLT Infracon Ltd. in an siam mek lai leh, Bungtlang-a Plant mumal taka an bun lai hian Serchhip khawpui chhung pawh a vaia Re-Surfacing (Periodic Repairing) rawn ti ve nghal turin an ngen a, amaherawh chu PWD (Highway) Chief Engineer chuan nakum maiah Serchhip khawpui chhung kawng chu a vaia Re-Surfacing, Periodic Repairing ti tura rua-hmanna an lo siam tawh avangin tun dinhmunah chuan a chhe lai thawm\hat, Patch Repairing chauh tihdan an ngaihtuah theih thu a lo hrilh a. Bialtu EE leh SDO te rawn a a tih theihdan lo ngaihtuah a tum thu a sawi bawk.

Comments

Popular News (Last 30 Days)