Hnam tana Martar chhungte chungah ngaihdam dil

MNF President, Zoramthanga chuan Hnam tana Martar chhungte chungah ngaihdam a dil tih a sawi.

Nimin khan Saitual Auditorium-ah |awi East Block Conference leh Hnam Pasal\hate chawimawina hun hman a ni a, he hun hi MNF President, Zoramthanga chuan hmanpuiin MNF sorkar hmasak ah khan Hnam martar chhungte an phu ang an tih sak tawklo tih an hriat thu sawiin, "Thinlung takin ngaihdam ka dil a che u. Zoram malsawmna tam zawk dawngza turin Hnam Sipaite leh Martar chhungte i haw khawm leh tawh ang u, tiin ka sawm che u a ni," a ti. He hunah hian MNF President chuan Congress chu Hnam thinlung pu te rahbeh leh sawi nawmnah hna bera neitu ah puhin, "Mizo Nationalism \han zel an hlau a. Martar-te thihchhan meuh pawh sawi nepin Martar-te chu 'sarthi' an ti a. Zoram remna te hi a nep thei ang berin an sawi \hin a, hmanni maia India President lo zinin, Zoram remna 'khawvela remna hlawhtling ber' tia a rawn sawite kha Pu Hawla leh a hote tan chuan zahna tling a ni," a ti bawk.