International Day for Persons with Disabilities hmangin Special Olympic-2017 neih a ni

International Day for Persons with Disabilities pualin nimin khan Zarkawt Recreation Centre-ah hun hman a ni a, hemi rual hian ‘Special Olympics 2017’ neih nghal a ni.

International Day for Persons with Disabilities puala inkhawm hi School Education Minister Pu H. Rohluna chuan khuallian nia hmanpuiin Rualbanlote Ni-ah an tan programme buatsaih a ni chu lawmawm a tih thu a sawi a. Mizoram district hrang hrangah RMSA hmalakna hnuaiah hun hman anih hnuin Aizawl-ah hman a nih thu sawiin, rualbanlo te chu tunhma kha chuan kan khawtlangah dinhmun hniam zawkah dah \hin an nih thu leh tunah erawh chuan kan changkang tawhin kan ngaihdan kan thlak tawh tih a sawi a, “Theihna bik nei angin kan pawm tawh a ni,” a ti a. Rualbanlote thiamna leh theihna haichhuah sak chu kan tihtur a nih thu sawiin, hemi kawngah hian mi \hahnemngai tak tak, hlawkna um lova, rualbanlote tana inpe an awm thu leh heng mi \hahnemngai te hnathawh hi chhuanawm a tih thu a sawi bawk.

International Day for Persons with Disabilities hi December ni 3-a hman \hin niin kumin hian Chawlhni-ah a tlak avangin nimin khan hman a ni a. Nimin a Special Olympics-ah hian infiamna hrang hrangah inelna neiin Wheelchair Race, Musical Chair, Spoon Race, Three legged Race, Dead Ball leh Football-ah te inelna hi neih a ni a. Thutak Nunpuitu Team (TNT), Gilead Special School, Mizoram Blind Society, Spastic Society, Differently Abled Society, Deaf School of Mizoram, Samaritan Blind Society leh a dangte an tel a ni.

Rashtriya Madhyamik Shiksha Abhiyan (RMSA) hnuaiah hian rualbanlote tan Cell pawimawh tak, Inclusive Education for Disabled at Secondary Stage(IEDSS) a awm a, IEDSS-in a tum chu zirlai rualbanlo ten lehkha an zirna atana harsatna awm zawng zawng sutkian sak a ni a. Hemi atan hian zirlaibu, wheelchair, hearing aid, crutches, spectacles, uniform, reader for blind, escort allowance leh a dangte a thlawnin pek \hin a ni a. Social Welfare Department, Health Department leh RMSA \angkawpin Medical assessment cum Identification Camp, Doctor-te nen neih \hin niin Disabled ID a hmunah pek nghal an ni.