Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Online hmanga Leave dil theihna tur tlangzarh

Chief Secretary, Lalmalsawma chuan nimin khan Aizawl-a Chief Secretary Conference Hall-ah Leave Application online-a thehluhna tur ‘e-Leave Application’ chu hman theih turin a hawng.
Online hmanga Leave Application thehluhna tur, ‘e-Leave Application’ hi Mizoram sorkar flagship programme New Economic Development Policy (NEDP) hnuaia Administrative Reforms Committee rawtna zulzuia siam niin a bul \an nan Mizoram sorkar a Secretaries te, District Administration (DC Office leh Civil Sub-Division), Rural Development Blocks leh Mizoram House-a thawk IAS leh MCS Officers ten online-a leave chi hrang hrang awlsam taka an dil zung zung theihna tura siam a ni a. He application hi department hrang hranga Officers leh Staff te pawhin an hman theih tura tihlen zel tum a ni.
He ‘e-Leave Application’ hi Department of Personnel & Administrative Reforms (DP&AR) leh Mizoram State e-Governance Society (MSeGS) \angkawpin an siam niin www.e-leave.mizoram.gov.in ah hman theih a dah a ni a. He internet portal bakah hian ‘e-Leave Application’ mobile app pawh siam niin a duh apiang tan Google playstore-ah download theihin dah a ni bawk. He ‘e-Leave Application’ in a huam Officers te hian heng website tarlanah hian lutin Self Registration lo tih ve tur a ni a, Secretaaries leh DC te erawh registration tih zawh tawh a ni thung.
He ‘e-Leave Application’ hmang hian hmun kilkhawr leh State pawna Officers ten leave dilna lehkha a hranga ziah ngai tawh lovin online in Computer emaw, Mobile app emaw hmangin awlsam takin leave dilna an thehlut zung zung thei dawn a, sorkar lam pawhin a hun takah leave hi a sanction zung zungin a \ul hunah chuan charge lo latu tur officer dang pawh rang takin a siam thei tawh dawn a ni. Tun hmaa leave dilna process hun rei tak ngai \hin kha tihtawi niin hmun kilkhawr zawk a awm Officers te leave dilna a hun takah sanction hman loh avanga sorkar inrelbawlna a harsatna thleng \hin leh mipui te tan pawha officer charge lo la tu tur ruat loh vanga harsatna awm thin te pawh sutkian theih beisei a ni.

Comments

Popular News (Last 30 Days)