Latest News

Vawiin ah President lo zin dawn

India President, Ram Nath Kovind chuan Vawiin hian zankhat riak turin Mizoram a rawn tlawh dawn a, India President dawngsawng turin sorkar chu nasa takin a inbuatsaih a ni.
India President, Ram Nath Kovind hian Vawiin, Nov. 29 hian Mizoram hi a rawn lut dawn a. A programme duan fel tawh angin President lo zin tur hian Vawiin-ah Lengpui \umhmunah a lo \um ang a, Larsap, Chief Minister leh Minister dangten an lo dawng-sawng ang a, heta \ang hian Helicopter-in |huampui Helipad a pan ang a, Helipad a\ang hian motor-in Aizawl Raj Bhavan a pan dawn a ni.
President hian Vawiin tlai hian Raj Bhavan Durbar Hall-ah khawpuia cheng, mi retheite tana chenna In sak, Housing Complex for Economically Weaker Section a hawng ang a, hemi hnu hian Raj Bhavan-ah Chief Minister, Lal Thanhawla’n a hmu ang a, chumi hnuah Minister dangte an tel zui ang a, Raj Bhavan-ah Larsap-in zanriah a buatsaihsak dawn a ni.
President hi Aizawl-ah zankhat a riak ang a, naktuk Nov. 30 zingah Mission Veng-a PC Girls School a tlawh ang a, chawhma dar 10:00-ah tlawmngai pawl hruaitute leh khawtlang hruai-tute a kawm ang a, dar 11:00-ah Mizoram Assembly Session-ah thu a sawi ang a, hemi hnu hian Nagaland lam panin Aizawl a chhuahsan leh dawn a ni.

Comments

Popular News (Last 30 Days)