Latest News

Mizoram-a sawrkar hnathawk te an nuar \an

Kan tih tur \ulte hreh tak chungin kan tih a ngai dawn’ - Chief Minister


Federation of Mizoram Government Employees and Workers (FMGE&W) chuan 7th Pay anga hlawh pek ve ngiatin nimin a\ang khan a huho in chawlh an la a. Chief Minister, Lal Thanhawla chuan sawrkar leh mipuite tana harsatna thleng tur pawh pawisa lo a sawrkar hnathawk te an nuar lui chu hriatthiam har a tih thu a sawi bawk.

Mizoram sawrkar hnuaia thawktu hrang hrang inzawmkhawm, Federation of Mizoram Government Employees and Workers (FMGE&W) hian 7th Pay anga hlawh lak ve phutna lantira Badge dum bel leh Pen-down Strike an neih hnuah sawrkar a\anga thu lawmawm an dawn loh avangin nimin a\ang khan ni thum awh turin a huho a chawlh, Mass Casual Leave lak an \an a. He Nawrhna hi Serchhip-a sawrkar hnathawk hrang hrangte pawhin thlawpin sawrkar Pisa dawr tur a awm mumal lo a, Serchhip-a Pisa lian ber, Bawrhsap Pisa-ah chuan FMGE&W-a tel sawrkar hnathawk zingah Pisa kai an awm lo a, a nghetlo-a thawk, MR leh Contract-a thawk te erawh Pisa ah hian kaiin amaherawh chu a hotu lian leh sang zawk an awm loh avangin hna an thawk thei chuanglo a, sawrkar Pisa dawr tuma kal pawh an awm lemlo nia thudawn a ni a. He nawrna hian Law & Order kengkawhtu te, damdawi In-a duty leh Emergency-a thawk te a huam lo thung a ni.
Hetihlai hian Chief Minister, Lal Thanhawla chuan nimin khan thuchhuah siamin Federation of Mizoram Government Employees and Workers (FMGE&W) hruaitute leh Member te chu nuar lo tura an la ngen reng thu a sawi a. He thuchhuah a siam ah hian Chief Minister, Lal Thanhawla chuan Central Pay Commission recommendation chu \um 4 lai a ti hlawhtlingtu ah an \an tawh thu tarlangin, hetianga tih hlawhtlin a nih dawn hian sum dinhmun bihchiangin chumi hnuah fel tak leh tluang taka thil a kal theihna turin Committee dinin, chiang takin thil awmzia an zir a, chutichuan Central Pay Committee ruahmanna chu an ti puitling \hin tih a sawi a. Tun \umah pawh hian Council of Ministers in an thlir lawk hnuah ti puitling ve ngei tur an nih pawmin, amaherawhchu, an tih \hin dan pangngai in Sub-Committee dinin sum kalphung thar tur, GST leh Demonitisation in a nghawng avanga sum dinhmun turte leh state dangte tihdan phungte zir ve ngaiin, Sub-Committee ah pawh Chairman atan Finance Minister lo ni tawh, H.Liansailova leh Member atan mithiam te ruat a nih thu a tarlang a ni.
Chief Minister chuan hetianga Sub-Committee sum dinhmun leh State dangte tihdan zirchiang lehzual tura ruat hi an tih \hin dan pangngai niin Pay Commission rawtna hi tih hlawhtlin ngei an tum tih a kawk bawk tih tarlangin, heng tihdan phung te hi Finance Minister, Lalsawta chuan Federation of Mizoram Government Employees & Workers hruaitute hrilhin, Krismas vuakvet ah sawrkar leh mipuite harsatna siam lo hram turin an ngen tih pawh a tarlang a. Hemi hnu hian Chief Secretary, Lalmalsawma, IAS pawhin FMGE&W hruaitute hi lengah sawmin, sawrkar leh mipuite harsatna siam lo hram turin a ngen a, an hlawhtling zo ta lo tih a tarlang a.
Chief Minister chuan Mizoram mipui zingah sawrkar hnathawk chu a vannei ber te an nih tih pawh tarlangin, Ringtute hun pawimawh leh lawmawm kan tawn mek laia, hetianga sawrkar leh mipuite tana harsatna thleng tur pawh pawi sa lo a an nuar lui chu hriatthiam a har hle tih pawh tarlangin, an ngenna in awmzia a neih takloh ah chuan sawrkar pawhin an tih tur \ulte hreh tak chung pawhin an tih a ngai dawn tih a tarlang a, Zoram mipuite hriatthiamna leh \anpuina tih takzeta ngenin, kan lehkhathiamte leh kan pensioner-te pawhin Remna Lal pianchampha lawm tura kan inpuahchah lai hian, kan ramin harsatna a tawh loh nan, a \ul ang anga sawrkar a kal zel theih nan tlawmngaih chhuaha \anpui tura an sawm hun a thlen mai theih thu leh an inpeih sa reng a beisei thu a tarlang bawk.

Comments

Popular News (Last 30 Days)