L&L Football-ah New Serchhip FC bawk an champion

Lalsawmliani & Lal Thanchunga Memorial Football Tournament chu Inrinni khan  zawhfel a ni a, New Serchhip FC chuan FC Serchhip Kawnpui chu 6-0 a sawpin a zawnin an champion.

DC Playground, Khawtetlang-a L&L Football Tournament Final Inrinni-a khel, New Serchhip FC hi champion lai leh MPL khelh phak tuma \an la mek an nih avangin inkhelh hma a\angin champion tura rinkai an ni zawk a, amaherawh chu FC Serchhip Kawnpui in \ha takin bul an \an a, chance pawh an nei zeuh zeuh a, half time dawn minute 43-na ah MS. Dawng-zela chuan New Serchhip FC tan goal khungin hma an hruai a, hei hi FC Serchhip Kawnpui hian sut nghal \ep mah se goal an khung theilo a, half time-ah 1-0 in New Serchhip FC in hma an hruai a ni.

Second half-ah FC Serchhip Kawnpui in nawr zui mah se V. Lalhlimawma chuan minute 50-na ah New Serchhip FC goal hnihna a khung a, FC Serchhip Kawnpui thochhuak zo tawh lovin New Serchhip  R. Lalremruata (Arapa) chuan minute 66 leh 72-ah goal khung bakah H. Vanlalremruata chuan minute 85 leh 87-ah a khung leh bawk a, 6-0 in an chak a. Champion Team hian cheng nuaikhat leh Trophy dawngin pahnihna hian Trophy leh Rs. 50,000 an dawng bawk.

Tun \um Tournament-ah hian Team 12 telin match 22 khelh ah goal 108 a lut a, goal 5 khungtu PC. Vanlalhmangaihzuala, AWC FC chu Top Scorer niin Rodinsanga, FC Serchhip Kawnpui chu Best Player-ah thlan a ni a, heng mite hian Rs. 1000/- ve ve dawngin Faor Play lawmman Rs. 10,000 chu New Serchhip FC in an dawng a, Semi Final-a chaklo Vengchung FC leh IOC Veng FC te chuan Rs. 7000/- ve ve an dawng bawk a ni.