Latest News

Mizoram-ah hri kai hmuhchhuah belh zel an ni

Inrinni khan Mizoram-ah Sample 3866 enfiah niin hri kai 345 hmuh a ni a, Inrinni-a hri kai hmuhchhuah thar tarlan zingah hian a hma lama Lawngtlai District chhung Karlui-I a hri kai lo hmuhchhuah tawh mi 147 zet chu ziahluh thar an nih avangin hri kai hmuhchhuah hi a tam phah niin a lang.

State Level Broadband Committee thukhawm

State Level Broadband Committee (SLBC) thutkhawm hmasa ber chu nimin khan Chief Secretary, Lalnunmawia Chuaungo hovin Chief Secretary Video Conference Room-ah neih a ni.

He thutkhawm ah hian Chief Secretary chuan tunlaiah Telecom leh Internet Infrastructure tha neih a tulziasawiin, Mizoram Telecom Infrastructure Policy, 2020 chu tihchhuah a nih thuai tur thu leh he Policy hian telecom lama kan harsatna tam tak a sutkian tur thu a sawi a. Mobile leh Internet hi sawrkar, mipui leh sumdawng zawng zawngin kan mamawh, a lova kan awm theih loh thil a nih tawh avangin hemi kawnga hma kan sawn a tulzia pawh a sawi bawk.

He hunah hian Department of Telecom-a DDG (Mizoram), K. Srikrishna chuan National Broadband Mission thil tum leh kalpui nana thil pawimawhte a lem nen entirin a sawifiah a, hemi hnu hian Telecommunication lama Mizoram dinhmun hrang hrang thlirho niin; December 2019-a tihchhuah National Braodband Mission-in kum 2022-ah khua zawng zawnga Telecom leh internet neih theihna turte leh mitinin chak zawka Broadband Internet an neih theihna tur atana mamawh hrang hrang te sawiho a ni. Tower and Infrastructure Providers Association (TAIPA) leh Cellular Operators Association of India (COAI) chuan an harsatna tawh te sawiin, a tul anga hmalak nise an ti bawk.

Comments

Chhiar Hlawhte

Serchhip District-ah COVID-19 Vaccine pe leh dawn