Mizoram Rajya Sabha MP in Minister hnenah thlen

/

New Delhi-a cham mek Mizoram Rajya Sabha MP, K. Vanlalvena chuan niminpiah tlai khan Union Sports Minister, Kiren Rijiju chu a chenna In-ah hmu in Mizoram tan thil pawimawh tak tak pali (4) a thlen.

Mizoram Rajya Sabha MP hian Mizo Footballer, Jeje Lalpekhlua chu infiammite chawimawina sang, Arjuna Award dawng tura vawi engemaw zat Nominate a ni tawh chunga he Award dawng tura thlan a ni ngailo chu a hriatthiam loh thu Union Sports Minister hnenah hian a sawi chhuak a. India ram tan leh a khelhna club hrang hrang tana Jeje-a’n hlawhtlinna a neih te leh a thawhhlawk dan te ziakin Minister hnenah hian a thlen a. Hun lo kal turah ram tana a hnathawh ropui tak avangin Jeje Lalpekhlua hi India sawrkar in a phu ang ngeia chawimawina a pek tawh a beisei thu a sawi bawk.

Hei bakah hian Rajya Sabha MP chuan Mizoram-ah Archery Training Centre dah tur te; kum 2028 Olympic lo awm tur atana inbuatsaih mek Mizoram Taekowndo Association hnenah an mamawh infiamna hmanrua leh facility tha zawk pe tur te; Sports Authority of India(SAI) Mizoram chu SAI, Manipur kut atanga dah chhuaka SAI, Assam hnuaia dah tawh zawk turte in Union Sports Minister hnenah hian a thlen bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »