Global Middas Group Proposal thehluh sawiho

/

Nimin khan Chief Secretary, Lalnunmawia Chuaungo leh Addl. Chief Secretary, JC. Ramthanga hovin Global Middas Group-in Mizoram Sawrkara hmasawnna leh investment atana proposal 2 – Mega Film City leh Super Speciality Hospital an thehluh chungchang sawiho a ni.

He sawihona hun Chief Secretary Conference Room-a neih ah hian Chief Secretary, Lalnunmawia Chuaungo chuan heng proposal- Mega Film City leh Super Speciality Hospital te hi Sawrkar-in uluk takin kil tin atangin Mizoram leh mipuiten an hlawkpui theih dan kawng hrang hrang ngaihtuah chungin ngun taka thlirho a tul thu a sawi a. Company ten Mizoram-ah investment an neih chu tha viau mah se investment reng rengin State leh mipui tan hmasawnna a ken tel theih te chu uluk taka buk leh ngaihtuah a pawimawh hmasa a ni, a ti a. He hunah hian Aizawl a Middas Global Group aiawhten heng Proposal pahnih chungchang hi sawifiahin zawhna awm te an chhang a, ram an mamawh dan tur te pawh sawilan a ni.

He Meeting-ah hian heng Proposal chungchangah thutlukna siam a awm lova, hun remchang hmasa berah Global Middas Group hotute hi Aizawl-ah lokalin heng proposal pahnih an kalpui tum dan chhipchhiar takin Sawrkar hotute an sawipui leh dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »