Health Department-in inkaihhruaina thar a siam

Mizoram sawrkar chuan tun thla ni 25 khan COVID-19 hri kai/damlo te enkawlna hmun (CCC/DCHC/DCH/Home Isolation) atanga chhuahtir (discharge)/enkawlna tihtawp dan tur hetiang hian thupek siamin a tarlang :


COVID-19 natna langchhuak lo te :

Natna langchhuak lo te zingah natna hrik hmuhchhuah anih atanga ni 10 (sawm) chhung chu uluk taka enthlak (observe) an ni ang. Ni 10 ni-ah RAgT (Rapid Antigen Test) tih nawn tur a ni.

a) Ni 10 ni-a RAgT result hi a NEGATIVE chuan COVID-19 hri kai hi chhuah tir (discharge) theih a ni a, amaherawhchu uluk takin a inenkawl (strict self-monitoring) chhunzawm ngei ngei tur a ni.

b) Ni 10 ni-a RAgT result hi a la POSITIVE chuan COVID-19 hri kai chu ni 4 (li) dan zelah RAgT tih tur a ni. RAgT result a negative hnuah chauh chhuahtir (discharge) theih a ni ang a, amaherawh chu uluk takin a inenkawl (strict self-monitoring) chhunzawm ngei ngei tur a ni.

c) RAgT result hi ni 20 (sawmhnih) na ah pawh a la POSITIVE chuan enkawltu Doctor ten District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, kalpui zel dan tur an rel ang.


COVID-19 natna langchhuak te :

COVID-19 hri kai natna lang chhuakte zingah natna a lan chhuah atanga ni 10 (sawm) ni-a a tawp ni 3 (thum) chhung emaw, a aia rei emaw khawsik a neih loh a, Oxygen Saturation pawh 95% aia sang (i.e, Spo2>95%) a nih bawk chuan RAgT (Rapid Antigen test) tih tur a ni. RAgT result a zirin a hnuaia mi ang hian test leh enkawl chhunzawm tur a ni:-

a) Ni 10 ni-a RAgT result hi a NEGATIVE chuan COVID-19 hri kai hi chhuahtir (discharge) theih a ni a, amaherawhchu uluk takin a inenkawl (strict self -monitoring) chhunzawm ngei ngei tur a ni.

b) Ni 10 ni a RAgT result hi a la POSITIVE chuan, ni 4 (li) danah uluk taka ennawnin RAgT tih tur a ni. RAgT result a NEGATIVE chuan chhuahtir (discharge) theih a ni a, amaherawh chu uluk takin a inenkawl (strict self-monitoring) chhunzawm ngei ngei tur a ni.

c) RAgT result hi ni 20 (sawmhnih) na-ah pawh a la POSITIVE a, mahse a tawp ni 3 (thum) chhung emaw a aia rei emaw khawsik a neih loh a, Oxygen Saturation pawh 95% aia sang (i.e >95 %) a nih si chuan a enkawltu Doctor ten District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang.


COVID-19 na zual leh natna benvawn neite tan :

COVID-19 hri kai damlo na zual leh natna benvawn neite chu ni 3 (thum) chhung khawsik an neih tawh loh bakah, ni 3 (thum) chhung an Oxygen Saturation pawh 95% aia sang (i.e. SpO2>95%) a nih bawk chuan RT-PCR hmanga Swab Sample test tur a ni.

a) RT-PCR Test result hi a NEGATIVE chuan COVID-19 hri kai hi chhuahtir (discharge) theih a ni a, amaherawh chu ni 7 (sarih) dang In-ah a inkhunghrang (home isolation) chhunzawm ngei ngei tur a ni.

b) RT-PCR Test result hi a la POSITIVE chuan, ni 4 (li) hnuah uluk taka ennawnin RT-PCR test leh tur a ni. A la positive zel chuan ni 28 (sawmhnih pariat) chhung chu ni 4 (li) dan zelah test tur a ni.

c) RT-PCR Test result hi ni 28 (sawhnih pariat) hnuah pawh a la POSITIVE zel a, mahse a tawp ni 3 (thum) chhung emaw, a aia rei emaw khawsik a neih si loh a, Oxygen saturation 95% aia sang (i.e, Spo2>95%) a nih chuan, a enkawltu Doctor te'n District Core Team for Covid Treatment an rawn ang a, anni hian a tul angin Zoram Medical College (ZMC) Core Team te an rawn leh ang a, kalpui zel dan tur an rel ang.

## COVID-19 hri kai chhuah (discharged person) te In lama an haw dawnin a enkawltu Doctor-in a tul angin an chhungte a hrilhfiah tur a ni.

## Enkawltu Doctor-in COVID-19 hri kai chhuah te (discharged person) dinhmun hi Local/Village Level Task Force hnenah a hrilh hre tur a ni.

Comments

Chhiar Hlawhte