Mizoram-a lirnghing chungchang sawichhuak

/

Parliament thutkhawm neih mekah nimin khan Mizoram Rajya Sabha MP, K. Vanlalvena chuan Mizoram chhung, Myanmar ramri hnaih Champhai District leh Serchhip District khaw thenkhata kumin-a lirnghing chanchin a sawi chhuak.

Nimin-a Parliament thutkhawm ni 9-na ah hian Rajya Sabha MP, K. Vanlalvena chuan kumin (2020) chhungin Mizoram-ah vawi 100 aia tam lir a nghin tawh thu Parliament-ah hian sawiin, July thla-a Oath Taking nei tura Delhi a kal tumah Ministry of Earth Sciences Secretary, Dr. M. Rajeevan a hmuh thu te, Dr. M. Rajeevan-a hnenah Mizoram-a Investigation Team tir tura ngenna a lo thehluh tawh thu te leh tun thlenga chhanna a la hmuh loh avanga a hriatthiam loh thu te Parliament House-ah hian a sawi a. Mizoram-a lirnghing ang zat hi State dangah thleng nise tun ang hian sawrkar laipui chuan a ngaihthah lovang tih Mizoram mipuiten an rin thu a sawi lang bawk.

Mizoram Rajya Sabha MP chuan Ministry of Home Affairs leh Earth Sciences hnenah ngenna pali (4) thlenin a rang thei ang bera Mizoram-ah Investigation Team tir lut tur te, lirnghing tuar tute hnena Compensation pe tur te, lirnghing tuartute hnena an tawmhulna tur pe tur leh Mizoram hnenah Lirnghing zirna hmanrua pe turte in a ngen a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »