Rashtriya Poshan Maah hmang

/

Rashtriya Poshan Maah (National Nutrition Month) Programme chu nimin khan KVK Serchhip District leh CDPO, Serchhip te tangkawpin hman a ni a, he programme hi a huho a hman theih a nih loh avangin Video Conferencing hmangin hman a ni.

Rashtriya Poshan Maah (National Nutrition Month) puala hun hman hi KVK Serchhip District, N. Vanlaiphai Meeting Room atangin Dr. T. Vanlalngurzauva, Senior Scientist & Head, KVK Serchhip District chuan a kaihruai a, Poshan Abhiyan tobul leh thil tum te tarlangin, KVK chungchang leh an hmalak dan leh kalphung te a tarlang a. Serchhip ICDS Project-a CDPO, Lalbiakliana chuan he prog-ramme an hman chhan leh an hman dan tlangpui te a sawi bawk.

He hunah hian K. Lalmalsawmi, Subject Matter Specialist (Home Science), KVK chuan ‘Nutritional Kitchen Garden’ tih thupui hmanga zirtirna pein, Vanlalhmuaka Ngente, Subject Matter Specialist (Horticulture), KVK in ‘Nursery bed siam dan leh Nursery-a thlai kuitiah dan’ tih thupui hmangin zirtirna a pek bakah Kenny Zohmingliana, Subject Matter Specialist (Agronomy), KVK in ‘Bio-Fortification’ tih thupui hmangin zirtirna a pe bawk.

He hun hi Serchhip Block Anganwadi Workers te tan bika buatsaih niin mi 71 laiin he hun hi an chhim a, tun thla ni 22 khan E. Lungdar Block-a Anganwadi Worker te tan buatsaih ni tawhin mi 27 in an lo chhim tawh bawk a ni.

Nimin vek khan Rashtriya Poshan Maah hnuaia ‘Special Clinic for Severe Acute Malnutrition (SAM)’ hmangin Serchhip ICDS leh District Hospital, Serchhip chuan naupangte hriselna enfiahna hun an buatsaih a. He hunah hian Serchhip District Hospital-a Naupang Specialist, Dr. K. Vanlalhriati chuan naupangte chu an hriselna dinhmun enfiah sakin an damdawi leh Food Supplement mamawh te pek an nih bakah an kalna leh hawna man te pawh tum sak vek an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »