Serchhip District Miss-ah R. Vanlalawmpuii
Miss Mizoram 2024 thlanna neih tura Serchhip District aiawh turin R.Vanlalawmpuii, New Serchhip Khawtetlang chu thlan a ni.
Serchhip District Hospital sakna tura rawt, Bukpui leh Chhiahtlang inkar ram chu Inrinni khan Serchhip District NGO Coordination Committee leh Serchhip Town Joint VC hruaitute chuan a hmunah an tlawh.
Tunhnaiah Serchhip District NGO Coordination Committee in NGO hrang hrang leh Town chhunga VCP te an koh-khawm tuma Serchhip District Hospital sakna tur hmun atana an thlan, Bukpui leh Chhiahtlang inkar ram hi Inrinni khan NGO hruaitute leh Ser-chhip Town Joint VC te hian tlawhin Chhiahtlang VC thenkhat te an kal ve bawk a, Damdawi In sakna tura ruahman chu tha an tiin a zau tha hle nia an ngaih thu an sawi a. Helai hmun hi District thuneitute pawhin a hmunah an enfiah thuai dawn nia thudawn a ni bawk.Serchhip Ditrict NGO Coordination Committee hruaitute chuan Serchhip damdawi In chu kum 1962-a sak a nih tawh thu sawiin, khum 40/50 vel chauh awm theihna anih avang leh a building hi a hlui tawh avangin mipui mamawh a phuhru zo lo hle niin an sawi a. Hei vang hian damdawi In hmun tur an thlan thar ah hian Mizo-ram sawrkar pawhin District Hospital building thar hi sa thuai thei se an duh thu an sawi bawk.
Comments
Post a Comment