Latest News

Serchhip District chhunga inkhunghranna kalpui dan tur Bawrhsap in puangzar

Serchhip District Bawrhsap chuan thuchhuah siamin Serchhip District mi leh sa khualzin, hmundanga lo haw te khunghran chungchanga kalpui dan a tarlang.

Hemi chungchanga Bawrhsap thuchhuah chuan Home Department in Mizoram a rawn lut tur phalna a pekte chu Lengpui Airport-ah emaw, Vairengte Check Gate-ah emaw Screening an paltlang thin tih tarlangin, Khualzin leh lo haw khunghran ngaite Serchhip District-a rawn haw na tur lirthei neite chu mahni inngaihtuah phalsak an nih thu leh mahni a motor inngaihtuah theilo te chu Sawrkar in a ruat bik (Empanelled vehicles) te man chawiin rawn hman tur a nih thu leh Motor hman man erawh chu an inbiakremna ang a nih thu a tarlang a. Mahni chhungte leh thawhpuite rawn haw tur reng reng chu Baby Lalsawmzuali, Phone No. 8787824221 hnenah WhatsApp emaw, Phone Call emaw in hriattir tur a nih thu leh Khualzin leh lo haw tur te hi Deputy Commissioner's Office, Serchhip-a Tracking Team ten an rawn zinchhuah hma atanga an lo thlen thlengin uluk takin Phone Call hmangin an awmna chin zawh thin an nih thu leh an Quarantine-na hmun tur ruatfel a nih hnuah hrilhhriat thin an nih thu a tarlang.

District Bawrhsap thuchhuah chuan Quarantine turte hi Sawrkar Quarantine Facility-ah a remchan dan ang zela dahluh thin an nih avangin mahni awmna tur thlan emaw, hauh lawk theih a ni lo tih pawh tarlangin, Mizoram sawrkar in Notification alo tihchhuah tawh, State pawn atanga Mizoram rawn lutte an Quarantine-na leh test senso chu an intum tawh tur thu a chhuah angin Serchhip District-a in quarantine turte chuan an quarantine senso hi an tum tur a nih thu pawh a tarlang bawk.

Quarantine period hmang zo tawh te, Sawrkar Quarantine Facility atanga an chhuah atanga ni 7 (sarih) chhung uluk takin an invawng (self monitor) tur a ni tih pawh tarlangin Bawrhsap chuan, Home Quarantine dil tur ten an awmna VLTF-te hriatpuina (recommendation) nen an rawn haw hma ni thum aia tlai lovah Deputy Commissioner, Serchhip hnenah dilna an thehlut tur a ni tih a tarlang a. VLTF-te hian an in-quarantine na hmun tur uluk taka en in, a him ngei a ni tih an hriatchian chauh an recommend tur a ni tih a tarlang bawk.

Comments

Chhiar Hlawhte