Kawng siam hnatlang nei

/

Serchhip District Truck Owners Association (SDTOA) chuan Inrinni khan Serchhip leh Keitum inkar, Sailiamkawn bul-a kawng chhia siamthat hnatlang an nei.

Serchhip District Truck Owners’ Association (SDTOA) te hian tunhnaia Serchhip chhimlam kawtchhuah, Sialiamkawn bul-a kawng chhia leh Truck tam tak an tan thinna hmun hi Inrinni khan siamthat hnatlang an nei a, he hnatlang-ah hian Tipper pahnih leh JCB pakhat thawkchhuakin Boulder la chawkin hemi hmang hian kawng chhia hi an hnawh a ni.

Serchhip leh Keitum inkar, Serchhip chhimlam kawtchhuah ah hian nikum hmasa lam khan leimin avangin kawng chhuat chu nasa takin a bal tawh a, kawng hi siam tlang leh ni mah se lirthei tan tlan harsat chang a awm fo a, tunhnai lawk khan helai vel ah hian lei a min leh bawk avangin lirthei lian, rit phur te tan tlan a harsa thin viau a, hei vang hian Serchhip District Truck Owners Association te hian lirthei khalhtute harsatna hi hriain kawng hi an siamtha a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »