Latest News

Chanchin thar thenkhat :

Bawlhhlawh bawm sem

Nimin khan Kolasib District chhunga VC 17 te hnenah bawlhhlawh thliar hranna tur, tawih thei leh tawih theilo dah hranna bawm sem a ni. Solid Waste Manangement Bye-Laws tih-puitlinna atana Kolasib-a bawlhhlawh thliar hranna tur bawlhhlawh bawm semna hun hi Kolasib DC, Dr. H. Lalthlangliana chuan hmanpuiin Aizawl khawpui tih lovah chuan Kolasib chu Solid Waste Management Centre awmna hmasa ber khua a nih thu sawiin, October thla chhunga a taka hman tan beisei a nih thu a sawi bawk. Nimin-a he hun hmanna ah hian Kolasib khaw chhunga Village Council 17 hnenah bawlhhlawh bawm, tawih thei (a rawng hring) leh tawih thei lo (a rawng pawl) dahhranna hi sem a ni a, In 7,662 hnenah pekchhuah a ni dawn a ni.


STA thutkhawm neih a ni

Mizoram State Transport Authority (STA) chu nimin khan thukhawmin hmalakna tur hrang hrang an sawiho. STA thutkhawm hi Transport Department Director’s Committee Room-ah neih niin an Chairman leh Transport Department-a Commissioner & Secretary, KT. Beicho IRAS chuan a kaihruai a, he hunah hian Mizoram-a Motorcycle hawh theihna dan, Rent a Motor Cycle Scheme hmang ve tura hmalak te, Ambulance leh Morgue Van Specification duan te, District Hqrs. hrang hrang a Two Wheeler Taxi Service siam chungchang te leh hmalakna tur dangte ngaihtuah a ni. STA hi Section 68 of The Motor Vehicle Act hnuaia din a ni a. Lirthei chung-changa thuneihna sang tak nei, Statutory Body niin Transport Department-a Commissioner & Secretary chu Chairman niin Transport Department-a Director chu Member Secretary a ni.


MDOA in kaisangte lawmpui

Mizoram Govt. Departmental Officers Association (MDOA) chuan an member, an hna a kaisang mi 13 te nimin khan lawmpuina hlanin heng te hi sawrkar Department 9-a Joint Director leh Director-a kaisang te an ni.


Hri kai 22 hmuh belh an ni

Niminpiah khan Mizoram-ah COVID-19 hri kai mi 22 hmuh belh an ni a, heng zinga mi 5 te chu Aizawl khawpui chhung Veng hrang hrang mi te niin Lunglei TrueNat Laboratory atangin BSF hri kai mi 11 hmuh niin Serchhip District-ah 6 hmuh an ni bawk. Hetihlai hian nimin khan Mizo-ram-a hri kai enkawl mi 72 te chu enkawl dam niin mi 1095 enkawl dam an ni tawh a ni.


MPCC in Sawrkar an phut

Mizoram Pradesh Congress Committee chuan COVID-19 hripuiin Mizoram min tihbuai atanga kan ram himna tur atana mahni nunna leh hriselna thapa hnathawktu, Medical lama kan ral hmatawng/Frontline Health Workers te an chhuan thu sawiin, heng mite hamthatna tur ngaihtuah sak ve tura MNF sawrkar an phut thu an sawi bawk.


Lunglei HPC in hnathawh en

Lunglei HPC Office ruahmanna in nimin khan HPC Member-te chuan Lunglei khawpui leh a chhehvel-a kum 2019-2020 chhunga Department hrang hrangte hnathawh thenkhat chu a hmunah kalin an enfiah a. PWD Building Division hnuaia State Sports Academy, Zobawk, College Auditorium-cum-Annexe Building, Lunglei Govt College leh Saikuti Hall Renovation bakah Power Maintenance Division hnuaia Construction of 132 kV Transmission Line from Melriat to Khawiva bakah UD&PA hnuaia veng hrang hranga Pedestrian Foothpath hnathawhte an enfiah a ni.

Comments

Popular News (Last 30 Days)