Hri kai 11 enkawl dam

/

Serchhip District-a COVID-19 hri kai enkawl mi 11 te chu enkawl dam an nih hnuah nimin khan anmahni enkawlna hmun atanga chhuahtir an ni.

Nimin-a Serchhip District-a hri kai enkawl dam chhuahtir mi 11 te hi District pawn lama hri kai hmuhchhuah leh Serchhip District-a enkawl tura rawn dah te an ni a, niminpiah-a an Sample enfiah a nih hnuah hri lakah an fihlim tak avangin nimin khan anmahni enkawlna hmun atang hian chhuah-tir an ni a. Hri kai enkawl dam zinga mi 10 te hi BSF Sipai niin Nursing School CCC atanga chhuahtir an ni a, midang pakhat hi Thenzawl AYUSH Hospital CCC-a enkawl niin Aizawl District mi, Mizo sipai a ni thung.

Heti hian tun dinhmunah Serchhip District-ah COVID-19 hri kai enkawllai mi 62 an la awm mek a, heng zinga a tam ber te hi BSF Sipai, Nursing School CCC-a enkawllai niin mi 57 an la awm a, Chhiahtlang Tourist Lodge CCC-ah mi 5 enkawl mek niin DCHC leh Thenzawl AYUSH Hospital CCC-ah hri kai enkawllai an awm tawhlo a ni.

Heng bakah hian hri leng avanga Ser-chhip District-a inkhunghrang mi 173 an la awm mek a, sawrkar hmunhma hmun 7-ah mi 127 la inkhunghrangin Vantlang hmunhma ah mi 7 an inkhung-hrang mek a, mahni In lama inkhunghrang mi 5 an la awm bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »