Latest News

Mipuite himna tur ang berin inkaihhruaina leh kalphung herrem zel a ngai thin - Health Minister

Health Minister Dr. R. Lalthangliana chuan COVID-19 hrileng chungchang chu khawvelin a hriatthiam dan a inthlak reng tih sawiin, ngaihdan leh pawm dan pawh a danglam zel thin avangin kan hriatthiam dan ang zelin mipuite tana him thei tur ang berin inkaihhruaina leh kalphung pawh her em zel a ngai thin tih a sawi.

COVID-19 dona kawnga rawtna lut thar chi hrang hrang sawihona hun nimin-a SAD Conference Hall, Aizawl-a neih ah he thu hi sawiin Health Minister, Dr. R. Lalthangliana chuan COVID-19 hrileng chungchang hi khawvelin a hriatthiam dan a inthlak reng a, mithiamten uluk takin Research neiin an zirchiang reng a, ngaihdan leh pawm dan pawh a danglam zel thin avangin kan hriatthiam dan ang zelin mipuite tana him thei tur ang berin inkaihhruaina leh kalphung pawh herrem zel a ngai thin tih a sawi a. Private Hospital ten TrueNAT Laboratory an neih ve theih dan tur leh Rapid Antigen Test an kalpui dan tur pawh sawrkarin chak taka a bawhzui thu sawiin, Dan tlawhchhana tih a ngaih vangin sawrkar kalphunga zawm tur leh tih turte a awm a, engkim peihfel tawh niin Council of Ministers pawhin a pawm tawh thu leh Sawrkar Gazette-ah tihchhuah a nih veleh hman tan nghal a nih tur thu a sawi bawk.

He thutkhawm ah hian COVID-19 veite enkawlna hmun (CCC/DCHC/DCH) atanga COVID-19 vei enkawlte chhuahtir (discharge) dan tur, 'Discharge Protocol for COVID-19 Patients at CCC and above in Mizoram' leh  Community COVID Care Centre (CCCC) kaihhruaina te, Contact Tracing atanga COVID-19 sample test leh Quarantine kaihhruaina chungchanga rawtna awm te thlirho a ni.

COVID-19 veite enkawlna hmun (CCC/DCHC/DCH) atanga COVID-19 vei enkawlte chhuahtir (discharge) dan tur, 'Discharge Protocol for COVID-19 Patients at CCC and above in Mizoram' chungchangah a zirchiang tura din mithiam bik awmkhawmna Committee ten rawtna chi hrang hrang an thehluh chu thlirho a ni a. Kohhran leh khawtlang hmunhma te Community COVID Care Centre (CCCC) atana hmang tura tih ngai leh zawm tur ruahmanna chi hrang hrang thlirho niin CCCC-a inenkawl dan tur leh kalpui dan tur rawtna chi hrang hrang thlirho a ni bawk.

Heng bakah hian Contact Tracing atanga COVID-19 Sample Test chungchang leh Quarantine chhunzawm an nih dan tura rawtna thar awmte thlirho a ni bawk.

Comments

Popular News (Last 30 Days)