MNYF in thil hrechiang lo-ah MPYCC an puh

MNF Thalai, MNYF chuan Congress Thalai ten RT-PCR endik manah sawrkarin Rs. 4500/- char char hmang anga an sawi chu thil an hrechiang lo hle niin an sawi a, hri kai endik tawha zaa 99 chu a thlawna endik an ni, an ti.

Inrinni-a Aizawl Press Club-ah thuthar thehdarhtute kawmin, MNYF Vice President, Lalzahawma Khiangte chuan Congress Thalai ten thuthar lakhawmtute hmaah sawrkarin hri kai endik manah Rs. 4500/- char char a la anga an sawi chu a diklo tih sawiin, Rs. 4500/- chawi turte hi mahni duhthua inendikte leh COVID Free Certificate dilte tan a ni, an ti a, a dang chu a man tlawm zawk leh a thlawn veka endik sak an ni tih sawiin, Mizoram-a Sample endik tawh zawng zawng atanga zaa 99 chu a thlawna endik niin, zaa 1 chauhin subsidized leh a man pangngaia endik man an chawi niin a sawi a, Rapid Antigen Test phei chu State dangah man chawia kalpui a nih laiin Mizoram-ah chuan a thlawn veka kalpui mek a ni, a ti.

ZPM Legislature Party Leader, Lalduhoma'n Mizoram sawrkarin COVID-19 do nana sum hman theih tur cheng vbc. 1061 chuang a hmu anga a sawi chungchang pawh mak an tih thu sawiin MNF Thalaite chuan, “Vawi khat pawh la sawrkar lo leh Budget pawh la pharh ngai lo a nih avangin Budget a hrechiang lo hleah kan ngai,” a ti a. Sawrkar sum hmuh thenkhat, a vaia COVID-19 dona atana hman tur anga a sawi chu mipui bum tumnaah an ngaih thu sawiin, “Sawrkar sum hmuh chu a hmanna tur duan sa, a then azar COVID do nana hman theih chauh a ni,” an ti.

Comments

Chhiar Hlawhte