Hriatsual luih ni ah ngai

Serchhip ZPM Block chuan tunhnaia C. Lalramzauva’n Serchhip-a mithar a lawmluh, Serchhip Chanmari ZPM Unit hruaitu anga tarlan chu thu hriatsual luih nia a lan thu an sawi.

Nimin-a thuchhuah an siamah Serchhip ZPM Block Committee chuan tunhnaia Social Media-a lo lang, Sept. 25, 2020 zan-a Serchhip Chanmari-I ZPM Unit President, Vice President leh Executive Member thenkhat ni anga sawi, C. Lalramzauva’n MNF-a a lawmluh te chu thu hriat sual luih nia a lan thu leh Chanmari-I ZPM Unit President chu Laltlanmawia ni lovin Lalsipaia a nih thu leh Vice President pawh Lalengmawia ni loin Lalhmangaihzuala leh Lalnunmawia te an ni tih an tarlang a. Serchhip ZPM chuan an Unit hruai-tute MNF-a lawmluh anga an sawi hi engmah an hriatpui loh thu an sawi bawk. Hetianga MNF ten thu dik tawklo leh chiang tawklo hmanga, mahni Party nilo zawk dahhniam duh vang emaw-a mipui hriat tura thuchhuah an siam chu tha an tihloh thu leh tun hnuah thleng tawhlo se an duh thu an sawi bawk.