Hri kai 6 hmuh belh an ni

/

Nimin khan Serchhip District-ah COVID-19 hri kai mi 6 hmuh belh an ni a, an vai hian State pawn atanga rawn lut niin inkhunghranna hmuna awm mek an ni.

Serchhip CMO Office atanga thu kan dawn danin niminpiah khan Serchhip District-ah Rapid Antigen Test hmangin Sample 70 enfiah a ni a, heng atang hian hri kai mi 6 hmuh thar leh niin an vai hian mipa vek an ni a, an zinga mi 5 te hi BSF Sipai niin tun thla ni 20-a Serchhip District-a rawn haw an ni a, mi pathum te hi Marian H/S-a khunghran niin midang pahnih hi Eklavya Model Residential School-a khung-hran an ni thung.

Niminpiah a hri kai hmuhchhuah pakhat hi Serchhip District chhunga National Highway siam hna thawk mektu, Prem Kram Infracon Pvt. Ltd. hnuai thawk niin Sainik School, Chhing-chhip-ah inkhunghrang a ni thung a, niminpiah a hri kai hmuhchhuah thar BSF Sipai te hi Nursing School CCC-ah dahluh niin midang pakhat hi Chhiahtlang Tourist Lodge CCC-ah enkawl tura dahluh a ni bawk.

Heti hian nimin thleng khan Serchhip District-a COVID-19 hri kai hmuhchhuah chu mi 35 an tling ta a, an zinga mi 16 te chu enkawl dam ni tawhin tunah hian hri kai enkawllai 19 an la awm mek bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »