Chanchin thar thenkhat :

 NIT chungchang CM sawipui

Science Teachers Association Mizoram (STAM) chuan nimin khan Chief Minister, Zo-ramthanga chu a Pisa-ah hmuin National Institute of Technology (NIT) Mizoram hmasawnna chungchang an sawipui a, NIT, Mizoram hi kum 2010 khan din niin, Lengpui-ah an Campus nghet tur pawh Oct. 13, 2012 khan khatih laia MHRD Minister, Kapil Sibala chuan a lungphum a lo phum tawh a ni. NIT hi India Parliament-in ‘Institute of National Importance’-a a dah anih avangin India ram pumah 31 chauh a awm a. Mizoram pawna Engineering College pangngaia Admission changlo Mizo thalai tam tak an awm laiin Engineering College satliah ni lo, NIT, Mizo-ram hi Mizo thalaite’n luhna tlaka an ngailo chu a tha nat thlak hlea an hriat thu sawiin, hetiang zela a kal chhoh chuan NIT Mizoram hi a zuihral mai ang tih an hlauh thu an sawi a, hemi atan hian rawtna te pawh an thlen nghal bawk.


Tlabung-ah mipui pungkhawm

Tlabung khua in Power chungchanga harsatna an tawh thin avangin nimin khan Tlabung Power House Tual-ah zirlai Pawl leh tlawmngai pawl hruaitute an pungkhawm. MZP Sub-Hqrs. Tlabung chuan Tlabung leh a chhehvel khuaa Power Supply chhe lutuk avanga mipui khawsak nunphung buai nasa thin leh zirlai naupang ten harsatna tam tak an tawk thin chu pawi an tih thu sawiin, he harsatna sukiang tura sawrkar an phut thu hi an sawi a. He harsatna atanga hmasawnna an neih theih nan leh hmalak zel an tum tih lantirna atan nimin khan an pungkhawm ta tih sawiin, Tlabung ah Qualified Lineman pakhat tal dah an phut thu leh Tlabung leh Lungsen inkar 33KV Line siam hna a rang thei ang bera thawh an phut thu te an sawi bawk.


Vbc. 21.32 lut tawh

COVID-19 hri leng mek dona atan nimin thleng khan mi tlawmngai ten Chief Minister's Relief Fund-a sum an chhunluh chu cheng vbc. 21.32 a tling tawh.


Hnahthial DC in MJA kawm

Hnahthial District Bawrhsap, Vanlalmawia chuan nimin khan Hnahthial-a MJA Member te a Pisa-ah kawmin Hnahthial District hmasawn chhoh zelna turin Sawrkar hnathawk te, Khaw-tlang hruaitute, Civil Society te, Media leh mipuite chu tang tlang-a thawkho zel turin a sawm a. An District mawmawh te pawh sawrkar hotu ten an an ngaihtuahpui reng tih a sawi a. Hnahthial District tih changtlun nan kum 2019-2020 a sum pek bakah kumin 2020-2021 hian cheng nuai 330.40 pek an nih bakah mamawh hrang hrang atan cheng nuai 5 pek belh an nih tawh thu a sawi bawk.


Kolasib-ah CAHW training nei

Kolasib District-a FOCUS hmalakna in nimin khan Kolasib District-a Village Council tin-a Community Animal Health Worker (CAHW) te tan ranvulh dan leh ran damlo enkawl dan hrang hrang zirna neih a ni a, he training hi ni 5 chhung neih tura ruahman niin ran natna tlanglawn zirchianna leh a enkawl dan te, natna hrang hrang laka ran an him theihna tura Vaccine pek dan leh pek hun te, natna inkaichhawn dan leh inven theih dan te bakah a chaw pek dan te zirtirin, an enkawlna tur hmanrua te pawh pekchhuah nghal an ni dawn a ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn